ଲକଡାଉନ ଯୋଗୁଁ ବଢିଚାଲିଛି ଦେଶର ବେକାରୀ ହାର, ମେ ୩ୟ ସପ୍ତାହରେ ୨୪.୩%କୁ ବୃଦ୍ଧି
ନୂଆଦିଲ୍ଲୀ : କରୋନା ମହାମାରୀ ଓ ଲକଡାଉନ ଯୋଗୁଁ ଭାରତୀୟ ଅର୍ଥନୀତି ଏକ ବଡ଼ଧରଣର ମାନ୍ଦାବସ୍ଥାର ସମ୍ମୁଖୀନ ହେଉଛି । ଏହା ଫଳରେ ଲକ୍ଷ ଲକ୍ଷ ଲୋକ ନିଯୁକ୍ତି ହରାଇବା ଆଶଙ୍କା ସୃଷ୍ଟି ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସେଣ୍ଟର ଫର ମନିଟରିଂ ଅଫ ଇଣ୍ଡିଆନ ଇକୋନୋମୀ (ସିଏମଆଇଇ)ର ରିପୋର୍ଟ ଅନୁସାରେ ମେ ୨୪ ସମାପ୍ତ ସପ୍ତାହରେ ଭାରତର ବେକାରୀ ହାର ୨୪.୩ ପ୍ରତିଶତକୁ ବୃଦ୍ଧି ପାଇଛି । ପୂର୍ବ ସପ୍ତାହରେ ଏହା ୨୪ ପ୍ରତିଶତ ଥିଲା । ଲକଡାଉନ ହୋଇଥିବା ୮ ସପ୍ତାହରେ ଭାରତର ବେକାରୀ ହାର ହାରାହାରି ୨୪.୨ ପ୍ରତିଶତ ରହିଛି । ଲକଡାଉନ ପୂର୍ବରୁ ମାର୍ଚ୍ଚ ମାସରେ ଏହା ୮.୮ ପ୍ରତିଶତ ଥିଲା । ହାରାହାରି ଭାବେ ଏପ୍ରିଲରେ ଦେଶର ବେକାରୀ ହାର ୨୭ ପ୍ରତିଶତ ଥିବାବେଳେ ମେ ମାସରେ ତାହା ୨୯ ପ୍ରତିଶତକୁ ବୃଦ୍ଧି ପାଇଛି । ବେକାରୀ ହାର ୨ ପ୍ରତିଶତ ବଢିବା ଅର୍ଥ ପ୍ରାୟ ୨ କୋଟି ଲୋକ ବେକାର ହୋଇଯାଇଛନ୍ତି ବୋଲି ଏହି ରିପୋର୍ଟରେ କୁହାଯାଇଛି ।
ଚଳିତ ମାନ୍ଦାବସ୍ଥା ଯୋଗୁଁ ଦେଶରେ ୭୨ ନିୟୁତ ବା ୭ କୋଟି ୨୦ ଲକ୍ଷ ଲୋକ ଅସ୍ଥାୟୀଭାବେ କର୍ମସଂସ୍ଥାନ ହରାଇଛନ୍ତି । ସେହିପରି ଏସବିଆଇ ରିସର୍ଚ୍ଚର ପୂର୍ବାନୁମାନ ଅନୁସାରେ ଏହି ସଂକଟ ଯୋଗୁଁ ଖୁଚୁରା କ୍ଷେତ୍ରରେ ପ୍ରାୟ ୧ କୋଟି ୧୦ ଲକ୍ଷ ଲୋକ ଚାକିରି ହରାଇବେ । କେବଳ ଖୁଚୁରା କ୍ଷେତ୍ର ନୁହେଁ, ପର୍ଯ୍ୟଟନ, ଇ-କମର୍ସ, ରେଷ୍ଟୋରାଁ ଆଦି ଶିଳ୍ପ ବ୍ୟାପକ କ୍ଷତି ସହିବେ ।