ଖାଦ୍ୟ ସାମଗ୍ରୀର ମୂଲ୍ୟ ବୃଦ୍ଧି ଯୋଗୁଁ ନଭେମ୍ବର ମାସରେ ମୁଦ୍ରାସ୍ଫୀତି ହାର ୪. ୮୮%
ନୂଆଦିଲ୍ଲୀ: ଖାଦ୍ୟ ସାମଗ୍ରୀର ଦର ବୃଦ୍ଧି ଘଟିବାରୁ ଗତ ନଭମ୍ବେର ମାସରେ ‘କଞ୍ଜ୍ୟୁମର୍ ପ୍ରାଇସ୍ ଇନ୍ଫ୍ଲାସନ୍’ (ସିପିଆଇ) ବା ଗ୍ରାହକ ମୂଲ୍ୟ ମୁଦ୍ରାସ୍ଫୀତି ୪. ୮୮% କୁ ବୃଦ୍ଧି ପାଇଥିଲା। ଗତବର୍ଷ ନଭେମ୍ବର ମାସରେ ଏହା ୩. ୬୩% ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
୧୫ ମାସ ମଧ୍ୟରେ ମୁଦ୍ରାସ୍ଫତି ବହୁତ ବଢ଼ି ଯାଇଥିବା କଥା ମଙ୍ଗଳବାର ଦିନ ପ୍ରକାଶିତ ସରକକାରଙ୍କ ତଥ୍ୟ ଦର୍ଶାଉଛି। ଗତ ବର୍ଷ ଅଗଷ୍ଟ ମାସରେ ସର୍ବୋଚ୍ଚ ମୁଦ୍ରାସ୍ଫୀତି ହାର ୫. ୦୫% ଥିଲା। ନଭେମ୍ବର ମାସର ମୁଦ୍ରାସ୍ଫୀତି ସଂଖ୍ୟା ଭାରତୀୟ ରିଜର୍ଭ ବ୍ୟାଙ୍କ୍ର ଆକଳନକୁ ଟପିଯାଇଛି। ମୁଦ୍ରାସ୍ଫୀତି ୪% ରହିବ ବୋଲି ରିଜର୍ଭ ବ୍ୟାଙ୍କ ଅନୁମାନ କରିଥିଲା।
ଖାଦ୍ୟ ସାମଗ୍ରୀଗୁଡ଼ିକର ମୂଲ୍ୟ ବୃଦ୍ଧି ପାଇବାରୁ ମୁଦ୍ରାସ୍ଫୀତି ଘଟିଥିବା କଥା ପ୍ରକାଶିତ ତଥ୍ୟରୁ ଜଣାପଡ଼ିଛି। ନଭେମ୍ବର ମାସରେ ଖାଦ୍ୟ ମୁଦ୍ରାସ୍ଫୀତି ୪. ୪୨% ଥିବା ବେଳେ ଅକ୍ଟୋବର ମାସରେ ଥିଲା ୧. ୯୦%। ତଥ୍ୟକୁ ଆହୁରି ଭାଗ ଭାଗ କଲେ ଜଣାପଡୁଛି ଯେ ବାର୍ଷିକ ହାରରେ ନଭେମ୍ବର ମାସରେ ଅଣ୍ଡାର ମୂଲ୍ୟ ୭. ୯୫% ବୃଦ୍ଧି ପାଇଥିଲା। ଗତ ମାସରେ ଅଣ୍ଡାର ମୂଲ୍ୟ ୦. ୬୯% ବୃଦ୍ଧି ପାଇଥିଲା। ନଭେମ୍ବର ମାସରେ ପନିପରିବାରେ ମୁଦ୍ରାସ୍ଫୀତି ଥିଲା ୨୨. ୪୮%। ଅକ୍ଟୋବର ମାସରେ ଏଥି ପାଇଁ ମୁଦ୍ରାସ୍ଫୀତି ଥିଲା ୭. ୪୭%।
ମୁଦ୍ରାସ୍ଫୀତିର ହାର ୪. ୨୦ ହେବ ବୋଲି ପୂର୍ବରୁ ରଏଟର୍ ଅର୍ଥନିତୀଜ୍ଞମାନେ କହିଥିଲେ। ମୁଦ୍ରାସ୍ଫୀତି ୪. ୨%- ୪. ୬% ରୁ ୪. ୩% କି, ୪. ୭% ହେବ ବୋଲି କିଛି ଦିନ ତଳେ ରିଜର୍ଭ ବ୍ୟାଙ୍କ୍ କହିଥିଲା।