ନୂଆଦିଲ୍ଲୀ: ଚୀନ ଛାଡି ଭାରତ ଆସିବାକୁ ଆଗ୍ରହୀ ଆଇଫୋନର ଯନ୍ତ୍ରାଂଶ ନିର୍ମାଣକାରୀ କମ୍ପାନୀ ଫକ୍ସକନ୍ | ଆପଲ୍ ଆଇଫୋନର ଯନ୍ତ୍ରାଂଶ ନିର୍ମାଣ କରୁଥିବା ଫକ୍ସକନ୍ ତାଇୱାନରେ ଥିବାବେଳେ ଏବେ ଭାରତରେ ଏକ ବିଲିୟନ ଡଲାର ବା ୭୫୦୦ କୋଟି ଟଙ୍କା ନିବେଶ କରିବାକୁ ନିଷ୍ପତ୍ତି ନେଇଛି। କୁହାଯାଉଛି ଯେ ଏହି ନିଷ୍ପତ୍ତି ପଛରେ ଆପଲର ହାତ ରହିଛି | ନ୍ୟୁଜ୍ ଏଜେନ୍ସି ରଏଟର୍ସ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଫକ୍ସକନ୍ ଆପଲ୍ ସହିତ କାମ କରେ |
Sambad is now on WhatsApp
Join and get latest news updates delivered to you via WhatsApp
ଆମେରିକା ଏବଂ ଚୀନ୍ ମଧ୍ୟରେ କରୋନାକୁ ନେଇ ଶୀତଳ ଯୁଦ୍ଧ ଆରମ୍ଭ ହୋଇଥିବାରୁ ଆପଲ୍ ବର୍ତ୍ତମାନ ଏହାର ଉତ୍ପାଦନକୁ ଚାଇନାରୁ ବାହାର କରିବାକୁ ଚାହୁଁଛି। ଫକ୍ସକନ୍ ତାମିଲନାଡୁର ଚେନ୍ନାଇଠାରୁ ୫୦ କିଲୋମିଟର ଦୂରରେ ଥିବା ପେରାମବୁର ପ୍ଲାଣ୍ଟରେ ନିବେଶ କରିବାକୁ ଯୋଜନା କରିଛି | ଆଇଫୋନ୍ ର ଏକ୍ସାର ମଡେଲ୍ ଏହି ପ୍ଲାଣ୍ଟରେ ପୂର୍ବରୁ ପ୍ରସ୍ତୁତ ହୋଇସାରିଛି |
ଫକ୍ସକନ୍ ଚେୟାରମ୍ୟାନ୍ ଲିୟୁ ୟଙ୍ଗ୍ ୱେ ଗତ ମାସରେ କହିଥିଲେ ଯେ କମ୍ପାନୀ ଭାରତରେ ପୁଞ୍ଜି ବିନିଯୋଗକୁ ତ୍ୱରାନ୍ୱିତ କରିବ। ଭାରତରେ ଆଇଫୋନ ଏକ ପ୍ରତିଶତ ବିକ୍ରି ହେଲେ ବି ଏହା କମ୍ପାନୀର ଦ୍ଵିତୀୟ ବଡ ବଜାର ବୋଲି ସେ କହିଥିଲେ | ବଡ କଥା ଯେ ଏହି ନିବେଶ ଦ୍ଵାରା ଭାରତରେ ୬ ହଜାର ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ |