ଭୁବନେଶ୍ବର : ବଜାରକୁ ଆସିବାର ପ୍ରାୟ ୨୦ ବର୍ଷ ପରେ ବନ୍ଦ ହୋଇଛି ଆପଲ ଆଇ-ପଡ୍ । ପୋର୍ଟେବଲ ମ୍ୟୁଜିକ କ୍ଷେତ୍ରରେ ସମଗ୍ର ବିଶ୍ବରେ ବୈପ୍ଳବିକ ପରିବର୍ତ୍ତନ ଆଣିପାରିଥିବା ଆଇପଡର ଚାହିଦା ଗତ କିଛି ବର୍ଷ ହେଲା ହ୍ରାସ ପାଇବାକୁ ଲାଗିଥିଲା । ସ୍ମାର୍ଟଫୋନ ଆସିବା ପରେ ଓ ଅନଲାଇନ ମ୍ୟୁଜିକ ଷ୍ଟ୍ରିମିଂ ଆରମ୍ଭ ହେବା ପରେ ଆଇପଡର ଚାହିଦା କମିବା ଆରମ୍ଭ ହୋଇଥିଲା । ତେବେ ଆପଲ କମ୍ପାନିର ସଫଳତା ପଛରେ ଏହି ଛୋଟ ଡିଜିଟାଲ ମ୍ୟୁଜିକ ପ୍ଲେୟରର ଉଲ୍ଲେଖନୀୟ ଅବଦାନ ଥିଲା ।
Sambad is now on WhatsApp
Join and get latest news updates delivered to you via WhatsApp
ଆପଲ ପକ୍ଷରୁ ପ୍ରକାଶିତ ଏକ ବ୍ଲଗରେ କୁହାଯାଇଛି ଯେ ବର୍ତ୍ତମାନ ବଜାରରେ ଉପଲବ୍ଧ ଥିବା ଆଇପଡ ଟଚ୍ କେବଳ ଷ୍ଟକ ଥିବା ପର୍ଯ୍ୟନ୍ତ ମିଳିବ । ଷ୍ଟକ ଶେଷ ହେବା ପରେ ନୂଆ ଷ୍ଟକ କମ୍ପାନି ପକ୍ଷରୁ ଛଡ଼ାଯିବ ନାହିଁ ।
ଆପଲ ପକ୍ଷରୁ ପ୍ରଥମେ ୨୦୦୧ ରେ ଆଇପଡ୍ କ୍ଲାସିକ ବଜାରକୁ ଛଡ଼ାଯାଇଥିଲା । ପ୍ରଥମ ଆଇପଡରେ ୧୦୦୦ଟି ମ୍ୟୁଜିକ ଫାଇଲ ରହିପାରୁଥିଲା ଓ ବ୍ୟାଟେରି ଲାଇଫ ୧୦ ଘଣ୍ଟା ଥିଲା । ଏହି ୨୦ ବର୍ଷ ମଧ୍ୟରେ ଆଇପଡ୍ କ୍ଲାସିକ ସେକେଣ୍ଡ ଜେନେରେସନ, ଥାର୍ଡ ଜେନେରେସନ, ଆଇପଡ ମିନି, ଆଇପଡ ସଫଲ, ଆଇପଡ ନାନୋ, ଆଇପଡ ସଫଲ୍ ସେକେଣ୍ଡଜେନ, ଆଇପଡ ଟଚ । ବର୍ତ୍ତମାନ ବଜାରରେ ଆଇପଡ ଟଚ ଉପଲବ୍ଧ ଅଛି । ଆପଲ ପକ୍ଷରୁ ୨୦୦୭ରେ ନିଜର ଲୋକପ୍ରିୟ ପ୍ରଡକ୍ଟ ଆଇଫୋନ ବଜାରକୁ ଛଡ଼ାଯାଇଥିଲା । ଆଇଫୋନ ଯୋଗୁଁ ଆଇପଡର ଚାହିଦା କମିଥିବା କୁହାଯାଉଛି ।