ଏୟାରଟେଲ ପରେ ଜିଓ ବଢ଼ାଇଲା ମୂଲ୍ୟ, ଏଣିକି ଏତିକି ଟଙ୍କା ଦେଲେ ହିଁ ହୋଇପାରିବ ରିଚାର୍ଜ
ନୂଆଦିଲ୍ଲୀ: ଏୟାରଟେଲ ପରେ ରିଲାଏନ୍ସ ଜିଓ ଏହାର ରିଚାର୍ଜ ମୂଲ୍ୟ ମଧ୍ୟ ବୃଦ୍ଧି କରିଛି। ଡିସେମ୍ବର ୧, ୨୦୨୧ରୁ ଜିଓର ନୂତନ ଟାରିଫ ପ୍ଲାନ ସମଗ୍ର ଦେଶରେ ଲାଗୁ ହେବ | ଏଥିରେ ଡାଟା ପ୍ଲାନ୍, ଅସୀମିତ ପ୍ଲାନ ସହ ଜିଓ ଫୋନର ରିଚାର୍ଜ ଯୋଜନା ଅନ୍ତର୍ଭୁକ୍ତ ରହିଛି | ସୂଚନା ଥାଉ କି ଯେ ପୂର୍ବରୁ ଏୟାରଟେଲ ଏବଂ ଭି ପ୍ରିପେଡ ପ୍ଲାନ ଦର ବୃଦ୍ଧି କରିଥିଲେ | ଏୟାରଟେଲ ଏବଂ ଭି ଭଳି ରିଲାଏନ୍ସ ଜିଓ ମଧ୍ୟ ଏହାର ପ୍ଲାନ ମୂଲ୍ୟ ପ୍ରାୟ ୨୦ରୁ ୨୫ ପ୍ରତିଶତ ବୃଦ୍ଧି କରିଛି। ନଜର ପକାନ୍ତୁ କେଉଁ ପ୍ଲାନ ମୂଲ୍ୟ କେତେ ବଢ଼ିଲା |
Sambad is now on WhatsApp
Join and get latest news updates delivered to you via WhatsApp
ଜିଓ ଫୋନର ୭୫ ଟଙ୍କା ପ୍ଲାନ ପାଇଁ ଏଣିକି ଗ୍ରାହକଙ୍କୁ ୯୧ ଟଙ୍କା ଦେବାକୁ ପଡିବ | ଏହି ପ୍ଲାନରେ, ୩ ଜିବି ଡାଟା ସହିତ ଅସୀମିତ ଭଏସ୍ କଲ୍ ଏବଂ ୩୦୦ ଏସଏମଏସ ସୁବିଧା ପ୍ରଦାନ କରାଯାଇଛି | ୧୨୯ ଟଙ୍କାର ଜିଓର ଅସୀମିତ ଯୋଜନା ପାଇଁ ବର୍ତ୍ତମାନ ୧୫୫ ଟଙ୍କା ଦେବାକୁ ପଡିବ | ଜିଓ ଏହାର ବାର୍ଷିକ ରିଚାର୍ଜ ପ୍ଲାନରେ ସର୍ବାଧିକ ୪୮୦ ଟଙ୍କା ବୃଦ୍ଧି କରିଛି |
ଏଭଳି ପରିସ୍ଥିତିରେ, ଗ୍ରାହକଙ୍କୁ ଜିଓର ପ୍ଲାନ ପାଇଁ ୨୩୯୯ ଟଙ୍କା ବଦଳରେ ୨୮୭୯ ଟଙ୍କା ଖର୍ଚ୍ଚ କରିବାକୁ ପଡିବ | ଏହି ପ୍ଲାନରେ, ଦୈନିକ ୨ ଜିବି ଡାଟା ସହିତ ଅସୀମିତ କଲିଂ ସହିତ ଦୈନିକ ୧୦୦ ଟି ଏସଏମଏସ ସୁବିଧା ମିଳିବ | ରିଲାଏନ୍ସ ଜିଓର ଡାଟା ଆଡ୍-ଅନ୍ ପ୍ଲାନର ମୂଲ୍ୟରେ ମଧ୍ୟ ବୃଦ୍ଧି କରାଯାଇଛି। ଜିଓର ୫୧ ଟଙ୍କା ଡାଟା ଆଡ-ଅନ ଯୋଜନା ୬୧ ଟଙ୍କାରେ ଆସିବ | ଏହି ଯୋଜନାରେ ୬ଜିବି ଡାଟା ପ୍ରଦାନ କରାଯାଇଛି |