ଜିଓର ୩୯୯ ଟଙ୍କିଆ ଅଫର ଉପରେ ମିଳୁଛି ୧୦୦ ଟଙ୍କାର କ୍ୟାସବ୍ୟାକ, କିପରି ପାଇବେ ଜାଣନ୍ତୁ
ମୁମ୍ବାଇ : ନିଜର ଦ୍ୱିତୀୟ ବର୍ଷପୂର୍ତି ପାଳନ କରୁଥିବା ଜିଓ ପକ୍ଷରୁ ଉପଭୋକ୍ତାମାନଙ୍କୁ ସମ୍ପୂର୍ଣ୍ଣ ମାସ ସାରା ବିଭିନ୍ନ ଆକର୍ଷଣୀୟ ଅଫର ପ୍ରଦାନ କରାଯାଉଛି। ସମସ୍ତ ଉପଭୋକ୍ତାଙ୍କୁ ୧୬ ଜିବି ମାଗଣା ଡାଟା ଉପହାର ଦେବା ପରେ, ଏବେ ଜିଓ ପକ୍ଷରୁ ଏହାର ସର୍ବାଧିକ ବିକ୍ରି ହେଉଥିବା ୩୯୯ ଟଙ୍କିଆ ପ୍ଲାନକୁ ୧୦୦ ଟଙ୍କା ରିହାତିରେ ପ୍ରଦାନ କରାଯାଉଛି । ଏହି ଅଫର କେବଳ ମାଇଜିଓ ଆପ ମାଧ୍ୟମରେ ମିଳିପାରିବ ଓ ଫୋନପେ ପେମେଣ୍ଟ ବ୍ୟାଙ୍କ ମାଧ୍ୟମରେ ପେମେଣ୍ଟ କରିବାକୁ ପଡିବ । କମ୍ପାନିର ଘୋଷଣା ଅନୁଯାୟୀ ଜିଓର ସର୍ବାଧିକ ବିକ୍ରି ହେଉଥିବା ୩୯୯ ଟଙ୍କିଆ ପ୍ଲାନ୍ ଏବେ ୧୦୦ ଟଙ୍କା ରିହାତି ସହ ମିଳିବ । ଅର୍ଥାତ ଆପଣଙ୍କୁ ଏହା ୨୯୯ ଟଙ୍କାରେ ଉପଲବ୍ଧ ହେବ। ଏହାର ଅର୍ଥ ହେଉଛି ଜିଓ ପକ୍ଷରୁ ତିନିମାସ ପାଇଁ ମାସକୁ ୧୦୦ଟଙ୍କା ଦରରେ ମାଗଣା ଭଏସ୍ ଏବଂ ଅସୀମିତ ଡାଟା (୪୨ ଜିବି) ପ୍ରଦାନ କରାଯାଉଛି। ଅନ୍ୟପକ୍ଷରେ ଏହି ୧୦୦ ଟଙ୍କା ରିହାତିର ଦୁଇଟି ଭାଗ ରେ ମିଳିବ । ପ୍ରଥମଟି ହେଉଛି ୫୦ ଟଙ୍କାର ତତ୍କ୍ଷଣାତ୍ ରିହାତି ମାଇଁ ଜିଓ ଆପ୍ ଜରିଆରେ ରିଚାର୍ଜ କରୁଥିବା ପ୍ରି-ପେଡ୍ ଉପଭୋକ୍ତାଙ୍କ ପାଇଁ, ଯେଉଁଥିରେ ୫୦ ଟଙ୍କାର କ୍ୟାସ୍-ବ୍ୟାକ୍ ଭାଉଚର ରହିଛି। ଦ୍ୱିତୀୟଟି ହେଉଛି ମାଇଁ ଜିଓ ଆପ୍ରେ ରହିଥିବା ଫୋନ୍-ପେ ଦ୍ୱାରା ପଇଠ (ପେମେଣ୍ଟ) କରିବା ସଙ୍ଗେସଙ୍ଗେ ଆଉ ୫୦ ଟଙ୍କାର ରିହାତି ମିଳିବ । ଏହା ଏକ ସୀମିତ ଅବଧି ଅଫର ଯାହା ୧୨ ସେପ୍ଟେମ୍ବର ଠାରୁ ୨୧ ସେପ୍ଟେମ୍ବର ଯାଏଁ ଉପଲବ୍ଧ ହେବ ।