ଭୁବନେଶ୍ୱର: ଏକ ଡିଜିଟାଲ୍ ସଶକ୍ତ ଭାରତ ଗଠନ କରିବା ପ୍ରତି ନିରନ୍ତର ଉଦ୍ୟମ ଜାରି ରଖି, ଜିଓ ପୁଣି ଥରେ ଗ୍ରାହକଙ୍କ ପାଇଁ ସୁବିଧା ଆଣିଦେଇଛି । ପ୍ରଥମ ଥର ପାଇଁ, ସମ୍ପୂର୍ଣ୍ଣ ନୂଆ ଜିଓରେଲ୍ ଆପ୍ ଜରିଆରେ ବ୍ୟବହାରକାରୀମାନେ ଯେକୌଣସି ଜିଓଫୋନରେ ଆଇଆରସିଟିସିର ଟିକଟ ସଂରକ୍ଷଣ ସେବା ହାସଲ କରିପାରିବେ । ଏହି ଆପ୍ ଜରିଆରେ ଗ୍ରାହକମାନେ ଡେବିଟ୍ କାର୍ଡ, କ୍ରେଡିଟ୍ କାର୍ଡ, ଇ-ୱାଲେଟ୍ ବ୍ୟବହାର କରି ଟିକଟ ବୁକ୍ ଓ କ୍ୟାନସେଲ କରିପାରିବେ, ପିଏନଆର ସ୍ଥିତି ଯାଞ୍ଚ, ଟ୍ରେନ୍ ସୂଚନା, ସମୟ, ରୁଟ୍, ସିଟ ଉପଲବ୍ଧତା ଏବଂ ଆହୁରି ଅନେକ ସେବାକୁ ସେମାନଙ୍କ ଜିଓଫୋନର ବଟନ୍ ଦବାଇ ଜାଣିପାରିବେ ।
Sambad is now on WhatsApp
Join and get latest news updates delivered to you via WhatsApp
ଜିଓ ଆପ୍ ଷ୍ଟୋର୍ରେ ଉପଲବ୍ଧ ହୋଇଥିବା ଜିଓରେଲ୍ ଆପରେ ଶେଷ ମୁହୂର୍ତ୍ତ ଯାତ୍ରା ପାଇଁ ତତକାଳ ଟିକଟ ବୁକିଙ୍ଗ କରିହେବ । ଯଦି ବ୍ୟବହାରକାରୀଙ୍କ ଆଇଆରସିଟିସି ଆକାଉଣ୍ଟ ନଥିବ, ଏହି ଆପ୍ ଜରିଆରେ ସେମାନେ ଏକ ଆକାଉଣ୍ଟ ସୃଷ୍ଟି କରିପାରିବେ ଓ ଟିକଟ ବୁକିଙ୍ଗ କରିପାରିବେ । ଏହି ଆପ୍ ଜରିଆରେ ବୁକିଙ୍ଗ ହୋଇଥିବା ଟିକଟର ପିଏନଆରକୁ ମଧ୍ୟ ରେଲଜିଓ ଆପ୍ ବ୍ୟବହାରକାରୀମାନେ ଯାଞ୍ଚ କରିପାରିବେ । ଏହି ଆପରେ ଅନେକ ପ୍ରକାର ଉନ୍ନତ ସେବା ପ୍ରଦାନ କରିବାର ଯୋଜନା ରହିଛି ଯଥା ପିଏନ୍ଆର ସ୍ଥିତି ପରିବର୍ତ୍ତନ ଆଲର୍ଟ, ଟ୍ରେନ୍ର ସ୍ଥିତି ଜାଣିବା (ଲୋକେଟ୍ ଟ୍ରେନ୍) ଓ ଭବିଷ୍ୟତରେ ଖାଦ୍ୟ ବରାଦ ଆଦି ଯୋଜନା ରହିଛି ।
ରେଲ୍ ଜିଓ ଆପରେ ଟ୍ରେନ ଟିକଟ ବୁକିଙ୍ଗକୁ ଅତି ସହଜ କରାଯାଇଛି । ଏହି ସ୍ୱତନ୍ତ୍ର ସେବା ପାଇଁ ଭାରତୀୟ ଗ୍ରାହକଙ୍କୁ ଆଉ ଟିକଟ ପାଇଁ ଧାଡ଼ିରେ ଠିଆ ହେବାକୁ ପଡ଼ିବନି କିମ୍ବା ଟିକଟ ବୁକିଙ୍ଗ ପାଇଁ ଏଜେଣ୍ଟକୁ ପେମେଣ୍ଟ ଦେବାକୁ ପଡ଼ିବନି ।