ମୁମ୍ବାଇ : ଏଣିକି ଜିଓ ଫୋନରେ ହ୍ଵାଟ୍ସଆପ ଓ ଫେସବୁକ ବ୍ୟବହାର କରିବା ସମ୍ଭବ ହେବ । ପୂର୍ବରୁ ଏସବୁ ଫିଚର ଫୋନରେ ଏହି ସୁବିଧା ନଥିଲା । ଏହାର କାରଣ ହେଉଛି ଜିଓଫୋନକୁ ଚଳାଉଥିବା କାଇ ଅପରେଟିଂ ସିଷ୍ଟମ ଫେସବୁକ ଓ ହ୍ଵାଟ୍ସଆପକୁ ସପୋର୍ଟ କରୁନଥିଲା । କିନ୍ତୁ ଏବେ ହ୍ଵାଟ୍ସଆପ ପକ୍ଷରୁ ଏହି ଅପରେଟିଂ ସିଷ୍ଟମରେ ଚାଲିପାରୁଥିବା ଭଳି ଏକ ହ୍ଵାଟ୍ସଆପ ଭର୍ସନ ପ୍ରସ୍ତୁତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରୀ ମାସରେ ଏହି ଲିନକ୍ସ ଭିତ୍ତିକ ଅପରେଟିଂ ସିଷ୍ଟମ ଲାଗି ଫେସବୁକ ଏକ କମ୍ପାଟିବଲ୍ ଆପ୍ ପ୍ରସ୍ତୁତ କରିଥିଲା । ଫଳରେ ଜିଓଫୋନ ସମେତ ଯେଉଁ ଫିଚରଫୋନଗୁଡ଼ିକ କାଇ ଅପରେଟିଂ ସିଷ୍ଟମ ଦ୍ୱାରା ପରିଚାଳିତ, ସେଗୁଡ଼ିକରେ ଫେସବୁକ ଇନଷ୍ଟଲ କରିବା ସମ୍ଭବ ହେଲା । ଏବେ ଫେସବୁକ ପକ୍ଷରୁ ନିଜର ଲୋକପ୍ରିୟ ମେସେଜିଂ ଆପ୍ ହ୍ଵାଟ୍ସଆପକୁ ମଧ୍ୟ କାଇ ଅପରେଟିଂ ସିଷ୍ଟମ ପାଇଁ ପ୍ରସ୍ତୁତ କରାଯାଉଛି ।
ଗତ ବର୍ଷ ଫେସବୁକ ପକ୍ଷରୁ ବ୍ଲାକବେରୀ ଓ ଓ୍ଵିଣ୍ଡୋଜ ଫୋନ-୮ ପାଇଁ ହ୍ଵାଟ୍ସଆପ ସପୋଟ ବନ୍ଦ କରିଦେଇଥିଲା । ଏହା ପରେ କାଇ ଅପରେଟିଂ ସିଷ୍ଟମକୁ ସପୋର୍ଟ କରିବାକୁ କମ୍ପାନି ନିଷ୍ପତ୍ତି ନେଇଛି । ଅନ୍ୟପକ୍ଷରେ ଜିଓଫୋନରେ ଫେସବୁକ ଓ ହ୍ଵାଟ୍ସଆପ ଆସିବା ପରେ ଏହି ଶସ୍ତା ଫୋନଟିର ଆକର୍ଷଣ ଆହୁରି ବଢିଯିବାର ସମ୍ଭାବନା ରହିଛି ।