କର୍ଣ୍ଣାଟକରେ ବିବାଦୀୟ ବିକିନି ବିକ୍ରି କରିବାକୁ ନେଇ ହଙ୍ଗାମା ପରେ ୱେବସାଇଟରୁ ପ୍ରଡକ୍ଟ ହଟାଇଲା ଆମାଜନ
ବାଙ୍ଗାଲୋର: ଇ-କମର୍ସ କମ୍ପାନୀ ଆମାଜନର କନ୍ନଡ ୱେବସାଇଟରେ ଏକ ବିକିନି ବିକ୍ରିକୁ ନେଇ ରାଜ୍ୟରେ ହଙ୍ଗାମା ହୋଇଛି | ଆମାଜନ ବ୍ୟବହାରକାରୀମାନେ ଦାବି କରିଛନ୍ତି ଯେ କର୍ଣ୍ଣାଟକର ରାଜ୍ୟ ପ୍ରତୀକ ଥିବା ଏକ ବିକିନି ବିକ୍ରି ପାଇଁ ଉପଲବ୍ଧ ହୋଇଥିଲା | ଆଉ ରାଜ୍ୟର ସଂସ୍କୃତି ମନ୍ତ୍ରୀ ଅରବିନ୍ଦ ଲିମ୍ବାବାଲି କହିଛନ୍ତି ଯେ ସରକାର କମ୍ପାନୀ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ଏହାକୁ କନ୍ନଡବାସୀଙ୍କ ଆତ୍ମ ସମ୍ମାନର ବିଷୟ ବୋଲି ବର୍ଣ୍ଣନା କରି ମନ୍ତ୍ରୀ କହିଛନ୍ତି ଯେ ସରକାର ଏଭଳି ଘଟଣାକୁ ବରଦାସ୍ତ କରିବେ ନାହିଁ ଏବଂ ଆମାଜନ କନ୍ନଡବାସୀଙ୍କୁ କ୍ଷମା ମାଗିବାକୁ ଦାବି କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି କିଛି ସମୟ ପୂର୍ବରୁ, ଗୁଗୁଲ ଉପରେ କନ୍ନଡବାସୀ କ୍ରୋଧିତ ହୋଇଥିଲେ, କାରଣ ଗୁଗୁଲରେ କନ୍ନଡକୁ ଭାରତର ‘ଖରାପ ଭାଷା’ ଭାବରେ ବର୍ଣ୍ଣନା କରାଯାଉଥିଲା। ଲିମ୍ବାବାଲି କହିଛନ୍ତି, ‘ଗୁଗୁଲ ଦ୍ୱାରା ଆମେ କନ୍ନଡ଼ ଭାଷାର ଅପମାନର ସମ୍ମୁଖୀନ ହୋଇଛୁ। କ୍ଷତ ଭଲ ହେବା ପୂର୍ବରୁ ଆମାଜନ ମହିଳା ପୋଷାକରେ କର୍ଣ୍ଣାଟକ ରାଜ୍ୟର ପ୍ରତୀକ ବ୍ୟବହାର କରୁଛି। ଏହା କନ୍ନଡବାସୀଙ୍କ ଆତ୍ମ ସମ୍ମାନର ବିଷୟ ଏବଂ ବାରମ୍ବାର ଘଟୁଥିବା ଘଟଣାକୁ ଆମେ ବରଦାସ୍ତ କରିବୁ ନାହିଁ ‘|
We experienced an insult of Kannada by @Google recently. Even before the scars could heal, we find @amazonca using the colours of #Kannada flag and the kannada icon on ladies’ clothes 1/2
— Aravind Limbavali (@ArvindLBJP) June 5, 2021
ମନ୍ତ୍ରୀ କହିଛନ୍ତି, ‘ଆମାଜନ କନ୍ନଡବାସୀଙ୍କୁ କ୍ଷମା ମାଗିବା ଉଚିତ। ଆମାଜନ କନ୍ନଡ଼ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଗୁଗୁଲ ପ୍ରସଙ୍ଗରେ ମଧ୍ୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମନ୍ତ୍ରୀ କହିଥିଲେ, କିନ୍ତୁ କମ୍ପାନୀ କ୍ଷମା ମାଗିବା ପରେ ସେ ତାହା କରିନାହାଁନ୍ତି। ଅନ୍ୟପଟେ ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ଭବିଷ୍ୟତରେ ଏଭଳି ଘଟଣାର ପୁନରାବୃତ୍ତି ରୋକିବା ଆବଶ୍ୟକ ବୋଲି ମଧ୍ୟ କହିଛନ୍ତି। ତେବେ ବିରୋଧ ପରେ ଆମାଜନ ଏହାକୁ ୱେବସାଇଟରୁ ହଟାଇ ଦେଇଛି।