ନୂଆଦିଲ୍ଲୀ: ଭାରତୀୟ ବଜାରରେ ଏବେ ବିଶ୍ୱର ପ୍ରମୁଖ ଲକଜୁରୀ ବାଇକ୍ କମ୍ପାନିମାନେ ଭୀଡ଼ ଜମାଇଛନ୍ତି । ହାର୍ଲେ ଡେଭିଡସନ, ହାୟାବୁସା, ଟ୍ରିଅମ୍ପ, କେଟିଏମ ଆଦି ଦାମୀ ବାଇକ୍ ବ୍ରାଣ୍ଡ ସହ ଭାରତୀୟ ଯୁବପିଢି ବେଶ ପରିଚିତ ହୋଇଗଲେଣି । ଲଜକୁରୀ ବାଇକର ଏହି କ୍ରେଜ୍ ଦେଖି ଆଉ ଏକ ନୂଆ ବାଇକ୍ ଭାରତୀୟ ସଡ଼କରେ ଦୌଡ଼ିବାକୁ ଯାଉଛି । ତାହା ହେଉଛି କାଓ୍ଵାସାକୀର ପ୍ରଥମ କ୍ରୁଜର ଭଲକାନ ଏସ୍ । ଇତି ମଧ୍ୟରେ କମ୍ପାନି ପକ୍ଷରୁ ଏହି ବାଇକ୍ର ବୁକିଂ ଆରମ୍ଭ ହୋଇଯାଇଛି । ଫେବ୍ରୁଆରୀ ପ୍ରଥମ ସପ୍ତାହରେ ଅନୁଷ୍ଠିତ ହେବାକୁ ଥିବା ଅଟୋ ଏକ୍ସପୋରେ ଏହାର ପ୍ରଦର୍ଶନ କରିବ କମ୍ପାନି । ଏହାର ଏକ୍ସ ଶୋରୁମ ମୁଲ୍ୟ ରହିଛି ୫ ଲକ୍ଷ ୪୪ ହଜାର ଟଙ୍କା ।
Sambad is now on WhatsApp
Join and get latest news updates delivered to you via WhatsApp
ନୂଆ କାଓ୍ଵାସାକୀ ଭଲକାନ ଏସ୍ ଏକ ୬୫୦ ସିସି ଅର୍ବାନ କ୍ରୁଜର ଯାହାକି ଏର୍ଗୋ ଫିଟ୍ ଟେକନଲୋଜୀ ସହ ଆସୁଛି । ପୁଣି ଏହାର ହାଣ୍ଡଲବାର ଓ ଫୁଟ୍ ପେଗ୍କୁ ଚାଳକର ସୁବିଧା ଅନୁସାରେ ତିନୋଟି ଭିନ୍ନ ଭିନ୍ନ ବିକଳ୍ପରେ ଆଡଜଷ୍ଟ କରି ହେବ । ଅନ୍ୟାନ୍ୟ କ୍ରୁଜର ବାଇକ ପରି ଏହାର ସିଟ୍ର ଉଚ୍ଚତା କମ ଓ ହାଣ୍ଡଲବାର ପ୍ରସାରିତ ହୋଇରହିଥିବାବେଳେ ଏହାର ଆକର୍ଷଣୀୟ ଡିଜାଇନ ଓ ସ୍ପୋର୍ଟିଂ ଲୁକ୍ ଏହାକୁ ଅନ୍ୟବାଇକ୍ ଠାରୁ ଅଲଗା କରୁଛି । ଏଥିରେ ଲାଗିଛି ୬୫୦ ସିସି ନିଞ୍ଜା ୬୫୦, ଜେଡ୍ ୬୫୦ ଅଥବା ଭର୍ସେଜ୍ ୬୫୦ ଇଂଜିନ ସହ ଆସୁଛି । ତେବେ ଏହା କେବଳ ଗୋଟିଏ କଲର ‘ଫ୍ଲାଟ୍ ଇବୋନି’ରେ ଉପଲବ୍ଧ ହେଉଛି ।
ତେବେ ବଜାରରେ ଏହି କ୍ରୁଜର ବର୍ଗରେ କାଓ୍ଵାସାକୀ ଭଲକାନ ଏସ୍ର ଆଉ କେତେକ ପ୍ରତିଦ୍ୱନ୍ଦୀ ଆସିଗଲେଣି । ସେଗୁଡିକ ହେଉଛନ୍ତି ହାର୍ଲେ ଡେଭିଡସନ ଷ୍ଟ୍ରିଟ୍ ୭୫୦, ଷ୍ଟ୍ରିଟ୍ ରସ ଓ ହ୍ୟୋସଙ୍ଗ ଆକିଲା ।