୮୧ ଲକ୍ଷ ଟଙ୍କା ଯାଏଁ ପହଂଚିଲାଣି ମହିନ୍ଦ୍ରା ଥର ର ପ୍ରଥମ ମଡେଲର ନିଲାମୀ
ମୁମ୍ବାଇ: ମହିନ୍ଦ୍ରା ଥର୍ ୨୦୨୦ ଭାରତରେ ୨ ଅକ୍ଟୋବରରେ ଲଞ୍ଚ ହେବ, କିନ୍ତୁ ଏହାର ପ୍ରଥମ ମଡେଲର ନିଲାମ ଆରମ୍ଭ ହୋଇଛି | ବାସ୍ତବରେ ମହିନ୍ଦ୍ରା କିଛି ଦିନ ପୂର୍ବରୁ ଏକ ବିବୃତ୍ତି ଜାରି କରି ଏହାର ପ୍ରଥମ ମଡେଲର ନିଲାମ ବିଷୟରେ ସୂଚନା ଦେଇଥିଲା । ସେହି ସମୟରେ କମ୍ପାନୀ କହିଥିଲା ଯେ ପ୍ରଥମ ଗାଡିର ନିଲାମରେ ଯାହା ଅର୍ଥ ମିଳିବ, ତାହା ଚାରିଟେବୁଲ୍ କାମ ପାଇଁ ଦାନ କରାଯିବ | ଥର ନମ୍ବର ୧ ର ନିଲାମ ସେପ୍ଟେମ୍ବର ୨୪ ରୁ ଆରମ୍ଭ ହୋଇଛି |
Sambad is now on WhatsApp
Join and get latest news updates delivered to you via WhatsApp
Bid big for the one and only All-New Thar #1. The auction ends in just 4 days!
Mahindra will match the amount raised & the proceeds will go to @naandi_india, @WeAreSwades, or PM CARES Fund, as chosen by the highest bidder.
Register to bid: https://t.co/x1YctTSoUG
*T&Cs apply. pic.twitter.com/pFFEHwYRQD— Mahindra Thar (@Mahindra_Thar) September 25, 2020
ଏହି ନିଲାମ ପୂର୍ବରୁ ୨୭ ସେପ୍ଟେମ୍ବରରେ ଶେଷ ହେବାର ଥିଲା, କିନ୍ତୁ ବର୍ତ୍ତମାନ କମ୍ପାନୀ ଏହାକୁ ୨୯ ସେପ୍ଟେମ୍ବର ସନ୍ଧ୍ୟା ୬ ଟା ପର୍ଯ୍ୟନ୍ତ ବୃଦ୍ଧି କରିଛି। ତେବେ ବର୍ତ୍ତମାନ ସୁଦ୍ଧା ଏର୍ଣ୍ଣାକୁଲମରେ ରହୁଥିବା ଜୋସେଫ ସର୍ବାଧିକ ଅର୍ଥରାଶିର ନିଲାମ ଡାକିଛନ୍ତି | ସେ ପ୍ରଥମ ଥର କାର କିଣିବା ପାଇଁ ୮୧ ଲକ୍ଷ ଟଙ୍କା ଟେଣ୍ଡର କରିଛନ୍ତି। ବର୍ତ୍ତମାନ ମହିନ୍ଦ୍ରା ୮୧.୨୫ ଲକ୍ଷ ଟଙ୍କାର ବିଡ ସ୍ଥିର କରିଛି । ଯଦି କେହି ଏହି ବିଡ୍ କରନ୍ତି ନାହିଁ, ତେବେ ମହିନ୍ଦ୍ରାର ପ୍ରଥମ ଥର୍ ଜୋସେଫ୍ ପାଇବେ |
ଯଦି ଆପଣ ମଧ୍ୟ ମହିନ୍ଦ୍ରା ଥର ର ପ୍ରଥମ କାର କିଣିବାକୁ ବିଡ୍ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ ଅନଲାଇନ୍ ପଞ୍ଜିକରଣ କରିବାକୁ ପଡିବ | ଥର ୨୦୨୦ ର ପ୍ରଥମ ୟୁନିଟ୍ ଏକ ସ୍ୱତନ୍ତ୍ର ବ୍ୟାଜ୍ ସହିତ ଆସିବ, ଯାହା ଦର୍ଶାଇବ ଯେ ଏହି କାରଟି କେତେ ସ୍ୱତନ୍ତ୍ର | ଏଥିସହ, କାର ମାଲିକଙ୍କ ଦସ୍ତଖତ କାରର ଡ୍ୟାସବୋର୍ଡରେ ଉଲ୍ଲେଖ ରହିବ |