ନୂଆଦିଲ୍ଲୀ: ଅନେକ ସମୟରେ ଖବର ଆସିଛି କି ଗ୍ରାହକ ଅନଲାଇନରେ ଗୋଟିଏ ଜିନିଷ ମଗାଇଥିବା ବେଳେ ଘରେ ଆସି ଆଉ ଗୋଟିଏ ଜିନିଷ ପହଞ୍ଚିଥାଏ। ବେଳେବେଳେ ଗ୍ରାହକ ଅନଲାଇନରେ ଫୋନ ମଗାଇଥିବା ବେଳେ ଡେଲିଭରି ସମୟରେ ବକ୍ସ ଭିତରେ ସାବୁନ, ଇଟା ଭଳି ସାମଗ୍ରୀ ଥିବା ଦେଖିବାକୁ ମିଳିଥାଏ।
Sambad is now on WhatsApp
Join and get latest news updates delivered to you via WhatsApp
ଯାହାକୁ ଦେଖି ଗ୍ରାହକ ଅସନ୍ତୋଷ ବ୍ୟକ୍ତ କରିଥାଆନ୍ତି। କିନ୍ତୁ ନିକଟରେ ଏହାର ଏକ ଓଲଟା ଘଟଣା ଦେଖିବାକୁ ମିଳିଛି। ଜଣେ ଯୁବକ ଅନଲାଇନରେ ସେଓ ମଗାଇଥିବା ବେଳେ ଘରେ ଆସି ଫୋନ ପହଞ୍ଚିଥିବା ଦେଖି ସେ ଆଶ୍ଚର୍ଯ୍ୟ ହେବା ସହିତ ଖୁସି ବି ହୋଇଯାଇଥିଲେ।
ଏଭଳି ଏକ ଘଟଣା ଯୁକ୍ତରାଷ୍ଟ୍ର ଆମେରିକାରେ ଘଟିଛି। ନିକ୍ ଜେମ୍ସ ନାମକ ଜଣେ ଯୁବକ ଲୋକାଲ ସୁପରମାର୍କେଟ ଟେସ୍କୋରୁ ଘର ପାଇଁ କିଛି ସାମଗ୍ରୀ ସହିତ ସେଓ ବି ମଗାଇଥିଲେ। ଘରେ ଯେତେବେଳେ ସେ ଅର୍ଡର କରିଥିବା ପାର୍ସଲ ପହଞ୍ଚିଥିଲା ବକ୍ସ ଭିତରେ ଆପଲ କମ୍ପାନିର ଏକ ଆଇଫୋନ ଥିବା ଦେଖି ସେ ଚକିତ ହୋଇଯାଇଥିଲେ।
A big thanks this week to @Tesco & @tescomobile. On Wednesday evening we went to pick up our click and collect order and had a little surprise in there – an Apple iPhone SE. Apparently we ordered apples and randomly got an apple iphone! Made my sons week! 😁 #tesco #substitute pic.twitter.com/Mo8rZoAUwD
— Nick James (@TreedomTW1) April 10, 2021
ତେବେ ତାଙ୍କ ଆକାଉଣ୍ଟରୁ କେବଳ ସେଓ ପାଇଁ ଯେତିକି ଟଙ୍କା ଆବଶ୍ୟକ ସେତିକି ଟଙ୍କା କଟା ଯାଇଥିଲା। ପରେ ସେ କମ୍ପାନି ସହିତ ଫୋନରେ ଯୋଗାଯୋଗ କରିବା ପରେ ଜାଣିବାକୁ ପାଇଲେ କି କମ୍ପାନି ସୁପର ସବଷ୍ଟିଚିୟୁଟ ପ୍ରୋମୋସନ ଚଲାଇଥିଲା। ଏହି କ୍ରମରେ ଯେଉଁମାନେ ସାମଗ୍ରୀ କ୍ରୟ କରିଥିଲେ ସେମାନଙ୍କୁ କମ୍ପାନି ମହଙ୍ଗା ଫୋନ ଉପହାର ଦେଇଥିଲା।
ଏହି ତାଲିକାରେ ନିକ ଜେମ୍ସ ନାମ ସାମିଲ ହୋଇଥିଲା। ଯାହାକୁ ଜାଣିବାପରେ ସେ ଖୁସିରେ ଭାବବିହ୍ବଳ ହୋଇଯାଇଥିଲେ। ଫୋନଟିର ମୂଲ୍ୟ୨ ୯ ହଜାର ଟଙ୍କା ପାଖାପାଖି ହେବ ବୋଲି କୁହାଯାଉଛି।