ଦେଶ ଆଗରେ ବଡ଼ ଆର୍ଥିକ ସଂକଟ, ମୁକାବିଲା ପାଇଁ ୩-ସୁତ୍ରୀ ପ୍ରସ୍ତାବ ରଖିଲେ ମନମୋହନ
ନୂଆଦିଲ୍ଲୀ : କରୋନା ମହାମାରୀ ଯୋଗୁଁ ଭାରତୀୟ ଅର୍ଥନୀତି ଗୁରୁତର ଭାବେ କ୍ଷତିଗ୍ରସ୍ତ ହୋଇଛି । ଏହା ଯୋଗୁଁ ଦେଶରେ ଏକ ଲମ୍ବା ସମୟ ଯୋଗୁଁ ଆର୍ଥିକ ମାନ୍ଦାବସ୍ଥା ଦେଖାଦେଇପାରେ ବୋଲି କହିଛନ୍ତି ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂ । ଏହାର ମୁକାବିଲା କରିବାକୁ ସେ ମୋଦୀ ସରକାରଙ୍କୁ ୩-ସୁତ୍ରୀ ପ୍ରସ୍ତାବ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବିବିସିକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ ବର୍ତ୍ତମାନ ଦେଶରେ କରୋନା ମହାମାରୀ ଯୋଗୁଁ ଆର୍ଥିକ ମାନ୍ଦାବସ୍ଥା ଦେଖାଦେଇଛି । ସମଗ୍ର ବିଶ୍ୱର ଅର୍ଥନୀତିକୁ ଗୁରୁତର କ୍ଷତି ପହଞ୍ଚାଇଛି ଏହି ମହାମାରୀ । ଏହାଯୋଗୁଁ ଅର୍ଥନୀତି ଏକ ବଡ଼ ଧରଣର ମାନ୍ଦାବସ୍ଥାର ସମ୍ମୁଖୀନ ହେବ ଓ ଏହା ଦୀର୍ଘ ସମୟ ଧରି ଚାଲିବ । ମାନବ ସମାଜ ବିଶେଷକରି ଗରିବଙ୍କ ଉପରେ ଏହାର ବଡ଼ ପ୍ରଭାବ ପଡ଼ିବ । ଏଣୁ ଏହି ଆର୍ଥିକ ସଂକଟକୁ ସରକାର କେବଳ ଅର୍ଥନୈତିକ ତଥ୍ୟ, ମଡେଲ ଦୃଷ୍ଟିକୋଣରୁ ନ ଦେଖି ମାନବୀୟ ଓ ସାମାଜିକ ଦୃଷ୍ଟିକୋଣରୁ ଦେଖିବା ଆବଶ୍ୟକ । ଏହାର ମୁକାବିଲା ପାଇଁ ମୋଦୀ ସରକାର ଜରୁରୀକାଳୀନ ଭିତ୍ତିରେ ୩ଟି ପଦକ୍ଷେପ ତୁରନ୍ତ ନେବା ଆବଶ୍ୟକ । ପ୍ରଥମଟି ହେଉଛି ଲୋକମାନଙ୍କୁ ସିଧାସଳଖ ଅର୍ଥ ପ୍ରେରଣ କରି ସେମାନଙ୍କ ଜୀବିକା ଓ ବ୍ୟୟଶକ୍ତିକୁ ବଞ୍ଚାଇ ରଖିବା ଆବଶ୍ୟକ, ଦ୍ୱିତୀୟରେ ବ୍ୟବସାୟଗୁଡ଼ିକୁ ସୁଲଭ ମୂଲ୍ୟରେ ପାଣ୍ଠି ଯୋଗାଇବା ଓ ତୃତୀୟରେ ଆର୍ଥିକ ସଂସ୍ଥାଗୁଡ଼ିକୁ ଅଧିକ ସ୍ୱାୟତ୍ତତା ପ୍ରଦାନ କରି ସେମାନଙ୍କୁ ସୁଦୃଢ କରାଯାଉ ।