ସିଟ ବେଲ୍ଟରେ ସମସ୍ୟା ହେତୁ ମାରୁତି ଫେରାଇନେବ ଏସବୁ କାର
ନୂଆଦିଲ୍ଲୀ: ଭାରତର ଅଗ୍ରଣୀ କାର ନିର୍ମାତା ମାରୁତି ସୁଜୁକି ଏହାର କେତେକ କାରକୁ ଫେରାଇନେବାକୁ ନିଷ୍ପତ୍ତି ନେଇଛି | ଏହି ଫେରସ୍ତ ତାଲିକାରେ ବ୍ରେଜା, ସିଆଜ୍, ଏର୍ଟିଗା, ଏକସେଏଲ୬ ଏବଂ ଗ୍ରାଣ୍ଡ୍ ଭିଟାରା ପରି ୯୧୨୫ ୟୁନିଟ୍ ମଡେଲ୍ ରହିଛି | ଏହି କାରଗୁଡିକ ନଭେମ୍ବର ୨ରୁ ୨୮ ନଭେମ୍ବର, ୨୦୨୨ ମଧ୍ୟରେ ତିଆରି ହୋଇଥିଲା | ଏହି କାରଗୁଡିକରେ ଯାତ୍ରୀମାନଙ୍କ ପାଇଁ ଦିଆଯାଇଥିବା ସୁରକ୍ଷା ବୈଶିଷ୍ଟ୍ୟଗୁଡିକର ତ୍ରୁଟି ହେତୁ ଏହି କାର ଫେରାଇନେବାକୁ କମ୍ପାନି ନିଷ୍ପତ୍ତି ନିଆଯାଇଛି | କମ୍ପାନିର ସୂଚନା ଅନୁଯାୟୀ, ଏହି ମଡେଲଗୁଡିକର ପ୍ରଥମ ଧାଡି ସିଟ୍ ବେଲ୍ଟର ଆଡଜଷ୍ଟର ଆସେମ୍ବଲିରେ ସମସ୍ୟା ହେଉଛି | ଏହି ସମସ୍ୟା, ଯାତ୍ରୀମାନଙ୍କ ପାଇଁ ସାଂଘାତିକ ବିପଦ ଆଣିପାରେ ବୋଲି ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
କାରଣ ସମସ୍ୟା ଯୋଗୁଁ ସିଟ୍ ବେଲ୍ଟ ଛିଡିଯିବାର ବିପଦ ରହିଛି। ଏହାକୁ ଠିକ୍ କରିବା ପାଇଁ ଏହି କାରଗୁଡିକୁ ଫେରାଇ ନିଆଯିବ | ଏନେଇ କମ୍ପାନି କହିଛି ଯେ ଗ୍ରାହକଙ୍କ ସୁରକ୍ଷାକୁ ଦୃଷ୍ଟିରେ ରଖି ଆମେ ଏହି ଯାନଗୁଡ଼ିକୁ ଫେରାଇ ନେବାକୁ ନିଷ୍ପତ୍ତି ନେଇଛୁ। ଉଲ୍ଲେଖ ଥାଉ କି ଏହା ପ୍ରଥମ ଘଟଣା ନୁହେଁ | ଚଳିତ ବର୍ଷ ଅଗଷ୍ଟରେ ମଧ୍ୟ ମାରୁତି ସୁଜୁକି ଏହାର କିଛି କାରକୁ ଫେରାଇନେଇଥିଲା | କମ୍ପାନି ଚଳିତ ବର୍ଷ ଅଗଷ୍ଟରେ ଏହାର ସେଡାନ୍ କାର୍ ଡିଜାୟର ଟୁରର ୧୬୬ଟି ୟୁନିଟକୁ ଫେରାଇନେଇଥିଲା | ଏହି କାରଗୁଡିକରେ ସୁରକ୍ଷା ବୈଶିଷ୍ଟ୍ୟରେ ମଧ୍ୟ ତ୍ରୁଟି ଥିବା ଦେଖିବାକୁ ମିଳିଥିଲା | ଏହି କାରର ଏୟାରବ୍ୟାଗ କଣ୍ଟ୍ରୋଲ ୟୁନିଟରେ କିଛି ସମସ୍ୟା ଦେଖିବାକୁ ମିଳିଥିଲା, ଯେଉଁ କାରଣରୁ କାରଗୁଡିକୁ ଫେରାଇ ନିଆଯାଇଥିଲା |