ଲକ୍‌ଡାଉନ୍‌ ସମୟରେ ଇ-କମର୍ସ କମ୍ପାନିମାନ‌େ ଅଣ-ଅତ୍ୟାବଶ୍ୟକ ସାମଗ୍ରୀ ଯୋଗାଇ ପାରିବେ ନାହିଁ: ଗୃହ ମନ୍ତ୍ରାଳୟ

ନୂଆଦିଲ୍ଲୀ: କୋଭିଡ୍-୧୯ ଲକ୍‌ଡାଉନ୍ ସମୟରେ ଇ-କମର୍ସ କମ୍ପାନି ଦ୍ବାରା ଅଣ-ଅତ୍ୟାବଶ୍ୟକ ସାମଗ୍ରୀ ଯୋଗାଣ ନିଷିଦ୍ଧ ରହିବ ବୋଲି ରବିବାର ଦିନ ଗୃହ ବ୍ୟାପାର ମନ୍ତ୍ରାଳୟ କହିଛି।

ଏ ସଂକ୍ରାନ୍ତରେ ଗୃହ ବ୍ୟାପାର ମନ୍ତ୍ରାଳୟର ମୁଖପାତ୍ର ଟୁଇଟ୍ କରି ସୂଚନା ଦେଇଛନ୍ତି।

#IndiaFightsCorona
Supply of non-essential goods by e-commerce companies to remain prohibited during #Lockdown2 to fight #COVID19. pic.twitter.com/6Jdvuzw6VJ

— Spokesperson, Ministry of Home Affairs (@PIBHomeAffairs) April 19, 2020

ଏପ୍ରିଲ୍ ୨୦ ଠାରୁ ଇ-କମର୍ସ କମ୍ପାନି ଉପରୁ କଟକଣା କୋହଳ କରାଯିବ ବୋଲି ପୂର୍ବରୁ ସରକାର କହିଥିଲେ। ଫଳରେ ମେ ୩ ତାରିଖରେ ଲକ୍‌ଡାଉନ୍ ଶେଷ ହେବା ପୂର୍ବରୁ ଇ-କମର୍ସ କମ୍ପାନି ସବୁ କାରବାର ଆରମ୍ଭ କରି ଥାଆନ୍ତେ। ସ୍ମାର୍ଟ ଫୋନ୍ ପାଇଁ ଫ୍ଲିପ୍‌କାର୍ଟ ଗୁଡ଼ାଏ ବରାଦ ଗ୍ରହଣ କରିସାରିଥିଲା।

ପୂର୍ବ ନିର୍ଦେଶନାମା ଅନୁସାରେ ଇ-କମର୍ସ କମ୍ପାନିମାନଙ୍କୁ କେବଳ ଅତ୍ୟାବଶ୍ୟକ ସାମଗ୍ରୀ ଯୋଗାଣ କରିବାକୁ ଅନୁମତି ଦିଆଯାଇଥିଲା।