ନୂଆଦିଲ୍ଲୀ: ରାଷ୍ଟ୍ରାୟତ୍ତ ସଂସ୍ଥାର ଘରୋଇକରଣ ସପକ୍ଷରେ ଆଜି ଏକ ବଡ଼ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେ କହିଛନ୍ତି ଯେ ବ୍ୟବସାୟ କରିବା ସରକାରଙ୍କ କାମ ନୁହେଁ । ୧୦୦ଟି ରାଷ୍ଟ୍ରାୟତ୍ତ ସଂପତ୍ତିର ଘରୋଇକରଣ କରାଯିବ ।
Sambad is now on WhatsApp
Join and get latest news updates delivered to you via WhatsApp
ପୁଞ୍ଜିପ୍ରତ୍ୟାହାର ସମ୍ପର୍କରେ ଏକ ଓ୍ବେବିନାରରେ ଯୋଗଦେଇ ମୋଦୀ କହିଛନ୍ତି ଯେ ତାଙ୍କ ସରକାର ବ୍ୟବସାୟ ଜଗତକୁ ସହାୟତା କରିବାକୁ ପ୍ରତିଶ୍ରୁତିବଦ୍ଧ । କିନ୍ତୁ ନିଜେ ସରକାର ବ୍ୟବସାୟ ଚଳାଇବା ଆଜିର ଯୁଗର ଆବଶ୍ୟକତା ନୁହେଁ । ବ୍ୟବସାୟ କରିବା ସରକାରଙ୍କ କାମ ନୁହେଁ । ବ୍ୟବସାୟ କରିବା ବଦଳରେ ସରକାର ଜନକଲ୍ୟାଣମୂଳକ କାର୍ଯ୍ୟରେ ଫୋକସ କରିବା ଆବଶ୍ୟକ ।
ସେ କହିଛନ୍ତି ଯେ ଦେଶରେ ଅନେକ ରାଷ୍ଟ୍ରାୟତ୍ତ ଉଦ୍ୟୋଗ କ୍ଷତିରେ ଚାଲୁଛି । ଏହା ସରକାର ଓ ଦେଶର ଅର୍ଥନୀତି ପାଇଁ ଏକ ବୋଝ ହୋଇଯାଇଛି । ପ୍ରାୟ ୧୦୦ଟି ରାଷ୍ଟ୍ରାୟତ୍ତ ସଂସ୍ଥା କିମ୍ବା ସଂପତ୍ତିର ଘରୋଇକରଣ କରିବାକୁ ସରକାର ନିଷ୍ପତ୍ତି ନେଇଛନ୍ତି । ଏଗୁଡ଼ିକ ମାଧ୍ୟମରେ ଘରୋଇ କ୍ଷେତ୍ରରୁ ପ୍ରାୟ ୨.୫ ଲକ୍ଷ କୋଟିର ନିବେଶ ଆସିବ ।
ମୋଦୀ କହିଛନ୍ତି ଯେ ବିଭିନ୍ନ ରାଷ୍ଟ୍ରାୟତ୍ତ ଉଦ୍ୟୋଗରୁ ପୁଞ୍ଜିପ୍ରତ୍ୟାହାରରୁ ମିଳିବାକୁ ଥିବା ଅର୍ଥକୁ ଜନକଲ୍ୟାଣକର କାମରେ ବିନିଯୋଗ କରାଯିବ ।