ବୋର୍ଡରେ ଅଧିକାଂଶ ମହିଳା ‘ସ୍ବାଧୀନ ନିର୍ଦ୍ଦେଶିକା’

ମୁମ୍ବାଇ : କର୍ପୋରେଟ୍‌ ଜଗତର ବୋର୍ଡରେ ମହିଳାମାନଙ୍କ ସଂଖ୍ୟା ବଢ଼ିବାରେ ଲାଗିଛି। କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ସ୍ବାଧୀନ ନିର୍ଦ୍ଦେଶିକା ଭାବେ କାର୍ଯ୍ୟ କରୁଛନ୍ତି। ବୋର୍ଡରେ ସାଧାରଣ ନିର୍ଦ୍ଦେଶିକାଙ୍କ ତୁଳନାରେ ସ୍ବାଧୀନ ନିର୍ଦ୍ଦେଶିକାଙ୍କ ସଂଖା ଅଧିକ ରହିଛି। ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି) ଅନୁସାରେ ତାଲିକାଭୁକ୍ତ କଂପାନି ବୋର୍ଡରେ ଅତିକମ୍‌ରେ ଜଣେ ମହିଳା ନିର୍ଦ୍ଦେଶିକା ରହିବା ବାଧ୍ୟତାମୂଳକ। ସ୍ବାଧୀନ ନିର୍ଦ୍ଦେଶକମାନଙ୍କ ମଧ୍ୟରୁ ୨୪.୭% ହେଉଛନ୍ତି ମହିଳା। ମୋଟ ନିର୍ଦ୍ଦେଶକଙ୍କ କ୍ଷେତ୍ରରେ ସେମାନଙ୍କ ଅଂଶ ଆହୁରି ତଳକୁ ଅର୍ଥାତ ୧୯.୭ ପ୍ରତିଶତକୁ ହ୍ରାସ ପାଇଛି।

ସ୍ବାଧୀନ ନିର୍ଦ୍ଦେଶକ ସେମାନଙ୍କୁ କୁହାଯାଉଛି ଯେଉଁମାନଙ୍କର ପ୍ରତିଷ୍ଠାତାଙ୍କ ସହ କୌଣସି ସମ୍ପର୍କ ନାହିଁ। ୨୦୧୪ ବେଳକୁ କଂପାନି ବୋର୍ଡରେ ମହିଳାଙ୍କ ଅଂଶ ମାତ୍ର ୬ ପ୍ରତିଶତ ଥିଲା। ମାତ୍ର, କଂପାନି ନିୟମରେ ପରିବର୍ତ୍ତନ କରାଯିବା ପରେ ୨୦୨୨ ସୁଦ୍ଧା ଏହି ହାର ୨୨ ପ୍ରତିଶତକୁ ବୃଦ୍ଧି ପାଇଛି। ତେବେ ଦକ୍ଷିଣ, ଆଫ୍ରିକା‌, ବ୍ରିଟେନ୍‌ ଓ ଜାପାନ ଭଳି ଦେଶରେ ବୋର୍ଡରେ ମହିଳାଙ୍କୁ ସାମିଲ କରିବା ବାଧ୍ୟତାମୂଳକ ନୁହେଁ।