ବିବାହ ପରେ ଆକାଶ-ଶ୍ଲୋକାଙ୍କୁ ଆଶୀର୍ବାଦ ଦେବାକୁ ଆସିବେ ୭୦୦୦ସଶସ୍ତ୍ର ବଳର କର୍ମଚାରୀ ଏବଂ ତାଙ୍କ ପରିବାର, ଏଭଳି ରହିଛି ବ୍ୟବସ୍ଥା
ମୁମ୍ବାଇ : ଗତକାଲି ବିବାହ ବନ୍ଧନାର ଆବଦ୍ଧ ହୋଇଥିଲେ ରିଲାଏନ୍ସ ଇଣ୍ଡଷ୍ଟ୍ରିଜ୍ର ଅଧ୍ୟକ୍ଷ ମୁକେଶ ଅମ୍ବାନୀଙ୍କୁ ପୁଅ ଆକାଶ ଅମ୍ବାନୀ । ନିଜ ପ୍ରେମିକା ଶ୍ଲୋକା ମେହେତାଙ୍କୁ ସେ ମୁମ୍ବାଇର ଜିଓ ଓ୍ଵାର୍ଲଡ୍ ସେଣ୍ଟରରେ ବିବାହ କରିଥିଲେ । ବିବାହରେ ଦେଶ-ବିଦେଶରୁ ଅନେକ ବ୍ୟକ୍ତି ଆସି ଯୋଗ ଦେଇଥିବା ଦେଖା ଯାଇଥିଲା । ତେବେ ବିବାହ ପରେ ଅମ୍ବାନୀ ପରିବାର ତରଫରୁ ଆଉ ଏକ ବଡ଼ କାର୍ଯ୍ୟକ୍ରମର ଯୋଜନା କରାଯାଉଥିବା ଜଣା ପଡ଼ିଛି । ମାର୍ଚ୍ଚ ୧୨ ତାରିଖ ବୁଧବାର ଦିନ ଭାରତର ସଶସ୍ତ୍ର ବଳ, ପୁଲିସକର୍ମୀ ଏବଂ ସେମାନଙ୍କ ପରିବାର ଲୋକଙ୍କ ପାଇଁ ଦୁଇଟି ସ୍ୱତନ୍ତ୍ର ମ୍ୟୁଜିକାଲ ଫାଉଣ୍ଟେନ୍ ସୋ’ର ଆୟୋଜନ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ପ୍ରାୟ ୭୦୦୦ସଦସ୍ୟଙ୍କ ପାଇଁ ଏହି କାର୍ଯ୍ୟକ୍ରମର ଆୟୋଜନ ରଖା ଯାଇଥିବା ବେଳେ ସେମାନଙ୍କୁ ସମ୍ମାନିତ କରିବା ଏବଂ ନବବିବାହିତ ଆକାଶ-ଶ୍ଲୋକାଙ୍କୁ ଆଶୀର୍ବାଦ ଦେବା ଉଦ୍ଦେଶ୍ୟରେ ଅମ୍ବାନୀ ପରିବାର ଏପରି କାର୍ଯ୍ୟକ୍ରମର ଆୟୋଜନ କରୁଥିବା ଜଣା ପଡ଼ିଛି । ବିବାହ ପୂର୍ବରୁ ମୁକେଶ ଅମ୍ବାନୀ ଏବଂ ତାଙ୍କ ପତ୍ନୀ ନୀତା ଅମ୍ବାନୀ ସହରର ୨୦୦୦ଅବହେଳିତ ଶିଶୁମାନଙ୍କ ପାଇଁ ଅନ୍ନ ସେବାର ଆୟୋଜନ କରିଥିଲେ ।