ହୋଣ୍ଡା କାର୍ସର ନୂଆ ସିଟି
ଭୁବନେଶ୍ବର: ସେଣ୍ଟ୍ରାଲ୍ ହୋଣ୍ଡାରେ ଆଜି ହୋଣ୍ଡା କାର୍ସ ଇଣ୍ଡିଆର ନୂଆ ହୋଣ୍ଡା ସିଟି ପେଟ୍ରୋଲ୍କୁ ଉନ୍ମୋଚନ କରାଯାଇଛି। ଷ୍ଟେଟ୍ ବ୍ୟାଙ୍କର ଡିଜିଏମ୍ ସଞ୍ଜୟ କୁମାର ଝା, ଆର୍ଏମ୍ ଶ୍ରୀକାନ୍ତ ଦାସ, ଏଜିଏମ୍ ସୌରଭ ଦାସ, ସେଣ୍ଟ୍ରାଲ୍ ହୋଣ୍ଡାର ନିର୍ଦେଶିକା ସିନୁ ଧାୱନ ଓ ଏଜିଏମ୍ ପାର୍ଥସାରଥୀ ରାଉତରାୟ ନୂଆ ସିଟିକୁ ଉନ୍ମୋଚନ କରିଛନ୍ତି। ଭୁବନେଶ୍ବରରେ ନୂଆ ସିଟିର ଏକ୍ସ ସୋ’ରୁମ୍ ମୂଲ୍ୟ ୧୧.୪୯ ଲକ୍ଷ ଟଙ୍କାରୁ ଆରମ୍ଭ ହୋଇଛି। ବେସ୍ ଓ ପର୍ଲ ଭଳି ଦୁଇଟି ଭାରିଆଣ୍ଟ୍ରେ ଏହା ଉପଲବ୍ଧ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଏଥିରେ ରହିଛି ନୂଆ ଫ୍ରଣ୍ଟ୍ ଗ୍ରିଲ୍, ନୂଆ ଡିଜାଇନ୍ର ଆଗ ଓ ପଛ ବମ୍ପର, ଆଲୟ ହ୍ବିଲ୍, ହୋଣ୍ଡା ସେନ୍ସିଂ ପ୍ରଯୁକ୍ତି, ଓୟାରଲେସ୍ ଆଣ୍ଡ୍ରଏଡ୍ ଅଟୋ, ଆପଲ୍ କାର୍ ପ୍ଲେ, ଓୟାରଲେସ୍ ଚାର୍ଜର, ରେନ୍ ସେନ୍ସିଂ ଅଟୋ ୱାଇପର୍ ଭଳି ସୁବିଧାସୁଯୋଗ। ଏହା ଛଅଟି ଆକର୍ଷଣୀୟ ରଙ୍ଗରେ ଉପଲବ୍ଧ ହୋଇଛି। ଗ୍ରାହକମାନେ ନୂଆ ହୋଣ୍ଡା ସିଟି ଉପରେ ୩ ବର୍ଷର ଅସୀମିତ କିଲୋମିଟର ୱାରେଣ୍ଟି ପାଇପବେ। ଚାରିଟି ଗ୍ରେଡ୍ ଏସ୍ଭି, ଭି, ଭିଏକ୍ସ ଓ ଜେଡ୍ଏକ୍ସରେ ଏହା ଉପଲବ୍ଧ ହୋଇଛି। ନୂଆ ସିଟି ଇ-ଏଚ୍ଇଭି ମଡେଲ୍ରେ ମଧ୍ୟ ଏହା ଉପଲବ୍ଧ ହୋଇଛି। ଗ୍ରାହକମାନେ ଏହାର ଲିଥିୟମ୍ ଆୟନ୍ ବ୍ୟାଟେରି ଉପରେ ୮ ବର୍ଷ କିମ୍ବା ୧,୬୦,୦୦୦ କିମିର ୱାରେଣ୍ଟି ପାଇପାରିବେ।