ନୂଆଦିଲ୍ଲୀ: କେନ୍ଦ୍ରୀୟ ବଜେଟ୍ ଘୋଷଣା ହେବା ପରେ ସୋସିଆଲ୍ ମିଡିଆରେ ତାହାକୁ ନେଇ ବହୁ ମିମ୍‌ସ ସେୟାର ହୋଇଥିଲା। ଅଧିକାଂଶ ଲୋକ ହୁଏତ ଏହା ଜାଣିନଥିବେ ଯେ ଅର୍ଥମନ୍ତ୍ରୀ ନିର୍ମଳା ସୀତାରମଣ ନିଜେ ସେହି ମିମ୍‌ସଗୁଡ଼ିକୁ ଦେଖନ୍ତି। ଏକ ସାକ୍ଷାତକାରରେ ସେ ଏହା କହିଛନ୍ତି। ନିର୍ମଳା କହିଛନ୍ତି ଯେ ମିମ୍‌ସଗୁଡ଼ିକୁ ମୁଁ ଦେଖେ। ସେଥିରୁ କିଛି ମିମ୍‌ସ ପ୍ରକୃତରେ ଗୁରୁତ୍ବପୂର୍ଣ୍ଣ ରହିଥାଏ। ଲୋକମାନେ ନିଜ ବାସ୍ତବ ଚିନ୍ତାକୁ ତାହା ଜରିଆରେ ଉପସ୍ଥାପନ କରିଥାନ୍ତି। ସେଗୁଡ଼ିକୁ ମୁଁ ଗୁରୁତ୍ବର ସହ ନେଇଥାଏ। ସମାଲୋଚନାମୂଳକ ମିମ୍‌ସଗୁଡ଼ିକୁ ଅଣଦେଖା କରିନଥାଏ। କିନ୍ତୁ କିଛି ମିମ୍‌ସରେ ଏମିତି କିଛି ଭାଷା ବ୍ୟବହାର କରାଯାଇଥାଏ ଯାହା ଅରୁଚିକର। ସେଗୁଡ଼ିକୁ ମୁଁ ଅଣଦେଖା କରିବାକୁ ପସନ୍ଦ କରିଥାଏ ବୋଲି ନିର୍ମଳା କହିଛନ୍ତି।