ବନ୍ଦ ହେବ ଟାଟା ନାନୋ ? ସେପ୍ଟେମ୍ବର ସୁଦ୍ଧା କୌଣସି ଉତ୍ପାଦନ ହୋଇନାହିଁ, ମାତ୍ର ଗୋଟିଏ ବିକ୍ରି ହୋଇଛି
ମୁମ୍ବାଇ : ଦିନେ ଭାରତୀୟ ବଜାରରେ ଚହଳ ସୃଷ୍ଟି କରିଥିବା ସବୁଠାରୁ ଶସ୍ତା କାର ଟାଟା ନାନୋ ଏବେ ଭାରତୀୟ ବଜାରରେ ଅଲୋଡା ହୋଇପଡିଛି । ବଜାରରେ ଏହି କାରକୁ କିଣିବାକୁ କେହି ଚାହୁଁନାହାନ୍ତି । ଗତ ଜାନୁୟାରୀ ଠାରୁ ସେପ୍ଟେମ୍ବର ମାସ ସୁଦ୍ଧା ସାରା ଦେଶରେ ମାତ୍ର ଗୋଟିଏ ନାନୋ କାର ବିକ୍ରି ହୋଇଛି । ଏହି ଏକମାତ୍ର ନାନୋ କାରଟି ଗତ ଫେବ୍ରୁଆରୀ ମାସରେ ବିକ୍ରି ହୋଇଥିଲା । ତାପରଠାରୁ କେହି ଗ୍ରାହକ ନାନୋ କିଣିନାହାନ୍ତି । ବଜାରରେ ଚାହିଦା ନଥିବାରୁ ଟାଟା ମୋଟର୍ସ ଗତ ୯ ମାସ ମଧ୍ୟରେ ନିଜର ସାନନ୍ଦ (ଗୁଜୁରାଟ) ପ୍ଲାଣ୍ଟରୁ କୌଣସି ନାନୋ କାର ଉତ୍ପାଦନ ହୋଇନାହିଁ ।
Sambad is now on WhatsApp
Join and get latest news updates delivered to you via WhatsApp
ତେବେ ଚାହିଦା ନଥିବା ସତ୍ତ୍ୱେ ନାନୋର ଉତ୍ପାଦନ ସଂପୂର୍ଣ୍ଣ ବନ୍ଦ କରିବା ବିଷୟରେ ଏପର୍ଯ୍ୟନ୍ତ କୌଣସି ଔପଚାରିକ ଘୋଷଣା କରିନାହିଁ ଟାଟା ମୋଟର୍ସ । ଆସନ୍ତା ୨୦୨୦ଏପ୍ରିଲରୁ ଦେଶରେ ବିଏସ-୬ ପ୍ରଦୂଷଣ ମାନଦଣ୍ଡ ଲାଗୁ ହେଉଥିବେଳେ କମ୍ପାନି ନାନୋରେ ଏଥିପାଇଁ ଆଉ ନିବେଶ କରିବାକୁ ଚାହୁଁନାହିଁ । ଏଣୁ ୨୦୨୦ରୁ ନାନୋ ଉତ୍ପାଦନ ବନ୍ଦ ହେବାର ସମ୍ଭାବନା ରହିଛି । ରତନ ଟାଟାଙ୍କ ସ୍ୱପ୍ନର ପ୍ରକଳ୍ପ ନାନୋ ୨୦୦୮ ଫେବ୍ରୁଆରୀ ମାସରେ ଭାରତରେ ଲଞ୍ଚ ହୋଇଥିଲା ।