୨ ହଜାର ଟଙ୍କା ପର୍ଯ୍ୟନ୍ତ ଡେବିଟ୍ କାର୍ଡ କାରବାର ଉପରେ ଶୁଳ୍କ ଛାଡ
କେନ୍ଦ୍ର କ୍ୟାବିନେଟ୍ ନିଷ୍ପତ୍ତି
ନୂଆଦିଲ୍ଲୀ: ଦେଶରେ ଡିଜିଟାଲ ପେମେଣ୍ଟକୁ ପ୍ରେତ୍ସାହିତ କରିବାକୁ କେନ୍ଦ୍ର ସରକାର କେତେକ ପଦକ୍ଷେପ ନେଇଛନ୍ତି । ଏଣିକି ୨ ହଜାର ଟଙ୍କାରୁ କମ ମୂଲ୍ୟର ଡେବିଟ୍ କାର୍ଡ କାରବାର ଉପରେ କୌଣସି ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (ଏମଡିଆର )ଆଦାୟ ହେବ ନାହିଁ । ଏହି ଅର୍ଥ ସରକାର ବହନ କରିବେ ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର କ୍ୟାବିନେଟ୍ ପକ୍ଷରୁ ଶୁକ୍ରବାରଦିନ ନିଆଯାଇଥିବା ନିଷ୍ପତ୍ତି ଅନୁସାରେ ଡେବିଟ୍ କାର୍ଡ, ଭୀମ ୟୁପିଆଇ ବା ଏଇପିଏସରେ କରାଯାଉଥିବା ୨ହଜାର ଟଙ୍କା ପର୍ଯ୍ୟନ୍ତ କାରବାର ଉପରେ ଆଦାୟ ହେଉଥିବା ଏମଡିଆର୍ ଛାଡ କରାଯିବ । ଆସନ୍ତା ଜାନୁୟାରୀ ୧ରୁ ଏହା ଦୁଇ ବର୍ଷ ପାଇଁ ଏହି ଅର୍ଥ ସରକାର ବହନ କରିବେ ।
#Cabinet has decided that Government of India will reimburse the MDR charges levied on digital payments upto Rs. 2000 made through debit cards, #BHIM-UPI and #Aadhaar Pay. This will boost the digital payments in India.
— Ravi Shankar Prasad (@rsprasad) December 15, 2017
ଡେବିଟ କାର୍ଡ ବା କ୍ରେଡିଟ୍ କାର୍ଡ ସେବା ପ୍ରଦାନ ଲାଗି ବ୍ୟାଙ୍କମାନେ ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (ଏମଡିଆର )ଆଦାୟ କରନ୍ତି ।
ଡିଜିଟାଲ ପେମେଣ୍ଟକୁ ପ୍ରେତ୍ସାହିତ କରିବାକୁ ରିଜର୍ଭ ବ୍ୟାଙ୍କ ମଧ୍ୟ ପୂର୍ବରୁ କେତେକ ପଦକ୍ଷେପ ଗ୍ରହଣ କରିଥିଲା । ଏଥିରେ କ୍ଷୁଦ୍ର ଓ ବଡ଼ ବ୍ୟବସାୟୀଙ୍କ ପାଇଁ ଭିନ୍ନ ଭିନ୍ନ ପରିମାଣର ଏମଡିଆର ଅନ୍ୟତମ ।
ନୂଆ ବିଜ୍ଞପ୍ତି ଅନୁସାରେ ବାର୍ଷିକ ୨୦ ଲକ୍ଷରୁ କମ ପରିମାଣର କାରବାର କରୁଥିବା କ୍ଷୁଦ୍ର ବ୍ୟବସାୟୀମାନଙ୍କୁ ଏମଡିଆର ଚାର୍ଜ ୦.୪୦ ପ୍ରତିଶତ ଧାର୍ଯ୍ୟ କରାଯାଇଛି । ତେବେ ପଏଣ୍ଟ ଅପ ସେଲ ମେସିନ (ପିଓଏସ) ବା ଅନଲାଇନ ଟ୍ରାଞ୍ଜାକ୍ସନରେ ସର୍ବାଧିକ ୨୦୦ଟି କାରବାର ପାଇଁ ଏହା ଲାଗୁ ହେବ । ସେହିପରି ବାର୍ଷିକ ୨୦ ଲକ୍ଷ ଟଙ୍କାରୁ ଅଧିକ କାରବାର କରୁଥିବା ବ୍ୟବସାୟୀଙ୍କ ପାଇଁ ସର୍ବାଧିକ ୧୦୦୦ଟି କାରବାର ପାଇଁ ଏମଡିଆର ୦.୯୦ ପ୍ରତିଶତ ରଖାଯାଇଛି ।