ଠକାମିରୁ ବଞ୍ଚିବା ପାଇଁ ନିଜର ଏସ୍ବିଆଇ ନେଟ୍ ବ୍ୟାଙ୍କିଙ୍ଗ୍ ଆକାଉଣ୍ଟକୁ ଏଭଳି ଲକ୍ କରନ୍ତୁ
ନୂଆଦିଲ୍ଲୀ : ଅନ୍ଲାଇନ୍ ମାଧ୍ୟମରେ ଟଙ୍କା ନେଣଦେଣର ସୁବିଧା ଆସିବା ପରଠାରୁ ଲୋକେ ଅନ୍ଲାଇନ୍ ଠକେଇର ଶିକାର ହେବାରେ ଲାଗିଛନ୍ତି । ନକଲି ଫୋନ୍ କଲ୍ କରି ବିବରଣୀ ନେବା ସହ ଦୁର୍ବୃତ୍ତମାନେ ଟଙ୍କା କାଢ଼ି ନେଉଛନ୍ତି । ଏଭଳି ସମସ୍ୟାର ସମାଧାନ ପାଇଁ ବିତ୍ତିୟ ସଂସ୍ଥା ବିଭିନ୍ନ ବାଟ ଆପଣାଉଥିଲେ ମଧ୍ୟ ତାହାର କୌଣସି ପ୍ରଭାବ ପଡ଼ୁନଥିବା ଦେଖିବାକୁ ମିଳୁଛି । ତେବେ ନିଜର ଗ୍ରାହକଙ୍କ ସମସ୍ୟାକୁ ଦେଖି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏକ ନୂଆ ଫିଚର ଆଣିଛି । ଏହି ନୂଆ ଫିଚର ମାଧ୍ୟମରେ ଦରକାର ନ ଥିଲେ ଗ୍ରାହକମାନେ ନିଜର ଇଣ୍ଟରନେଟ୍ ବ୍ୟାଙ୍କିଙ୍ଗ୍କୁ ଲକ୍ କରି ପାରିବେ । ଯାହାଦ୍ୱାରା ଆକାଉଣ୍ଟର ବିବରଣୀ କାଢ଼ିବା ସହଜ ହେବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଏସ୍ବିଆଇ ଇଣ୍ଟରନେଟ୍ ବ୍ୟାଙ୍କିଙ୍ଗ୍ େଓ୍ଵବ୍ସାଇଟ୍ ପକ୍ଷରୁ କୁହାଯାଇଛି କି, ଆପଣଙ୍କ ଆକାଉଣ୍ଟର ସୁରକ୍ଷା ଏବଂ ନିୟନ୍ତ୍ରଣ ପାଇଁ ଆପଣ ଏବେ ଇଣ୍ଟରନେଟ୍ ବ୍ୟାଙ୍କିଙ୍ଗ୍କୁ ଲକ୍ ବା ଅନ୍ଲକ୍ କରି ପାରିବେ । ଯାହାର ଲିଙ୍କ୍ ଇଣ୍ଟରନେଟ୍ ବ୍ୟାଙ୍କିଙ୍ଗ୍ର ହୋମ୍ ପେଜ୍ ବା ଲଗ୍ ଇନ୍ ପେଜ୍ରେ ଲକ୍ ଆଣ୍ଡ ଅନ୍ଲକ୍ ୟୁଜର ନାମରେ ଥିବ । ତେବେ ଏହି ସୁବିଧାର ଲାଭ କେବଳ କ୍ଷୁଦ୍ର ଗ୍ରାହକ ଉଠାଇପାରିବେ । କିନ୍ତୁ କର୍ପୋରେଟ୍ ଗ୍ରାହକମାନେ ଏହାର ଲାଭ ଉଠାଇ ପାରିବେ ନାହିଁ । କ୍ଷୁଦ୍ର ଗ୍ରାହକମାନେ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ଲକ୍ କରିବା ପୂର୍ବରୁ ନିଜର ପ୍ରୋଫାଇଲ ପାସ୍ଓ୍ଵାର୍ଡକୁ ମନେ ରଖିବା ଜରୁରୀ । ପ୍ରୋଫାଇଲ ପାସ୍ଓ୍ଵାର୍ଡ ଲଗ୍ ଇନ୍ଇନ୍ ପାସ୍ଓ୍ଵାର୍ଡଠାରୁ ଭିନ୍ନ ବୋଲି ଜାଣି ରଖନ୍ତୁ । ପ୍ରଥମେ ଇଣ୍ଟରନେଟ୍ ବ୍ୟାଙ୍କିଙ୍ଗ୍ରେ ଲଗ୍ ଇନ୍ କରିବା ସମୟରେ ଆପଣ ଏହି ପ୍ରୋଫାଇଲ ପାସ୍ଓ୍ଵାର୍ଡ ନିଶ୍ଚୟ ତିଆରି କରିଥିବେ । ଯଦି ଆପଣ ଆପଣଙ୍କର ପ୍ରୋଫାଇଲ ପାସ୍ଓ୍ଵାର୍ଡ ଭୁଲି ଯାଇଛନ୍ତି, ତେବେ ଏହାକୁ ପୁଣି ଥରେ ତିଆରି କରିବା ପରେ ହିଁ ଆକାଉଣ୍ଟ ଲକ୍ କରନ୍ତୁ ।
ପ୍ରଥମେ ଇଣ୍ଟରନେଟ୍ ବ୍ୟାଙ୍କିଙ୍ଗ େଓ୍ଵବ୍ସାଇଟ୍କୁ ଯାଇ ଏହି ଲିଙ୍କ୍ https://www.onlinesbi.com/ଉପରେ କ୍ଲିକ୍ କରନ୍ତୁ । ଯାହା ପରେ ପେଜ୍ର ବାମ ପଟେ ଆପଣଙ୍କୁ ଲକ୍ ଆଣ୍ଡ ଅନ୍ଲକ୍ ୟୁଜର ବିକଳ୍ପ ଦେଖାଇବ । ସେହି ବିକଳ୍ପ ଉପରେ କ୍ଲିକ୍ କରିବା ପରେ ଏକ ନୂଆ ପେଜ୍ ଖୋଲିବ । ସେଠାରେ ଦିଆଯାଇଥିବା ବକ୍ସକୁ ଭରିବା ପରେ କନ୍ଫର୍ମ ବଟନ୍ ଉପରେ କ୍ଲିକ୍ କରନ୍ତୁ ।
ଏହା ପରେ ଆପଣଙ୍କ ସ୍କ୍ରିନ୍ ଉପରେ କିଛି ସର୍ତ୍ତାବଳୀ ଆସିବ । ଯଦି ଆପଣ ସେହି ସବୁ ସର୍ତ୍ତବଳୀ ପାଇଁ ରାଜି, ତେବେ ଓକେ ବଟନ୍ ଉପରେ କ୍ଲିକ୍ କରିବେ ।
ଯାହା ପରେ ଆପଣଙ୍କ ରେଜିଷ୍ଟର ହୋଇଥିବା ମୋବାଇଲ ନମ୍ବର ଏବଂ ଇମେଲ ଆଇଡିକୁ ଏକ ଓଟିପି ଯିବ । ଓଟିପି ଲେଖି ସବ୍ମିଟ୍ କରିବା ପରେ ଆପଣଙ୍କ ଆକାଉଣ୍ଟ ଲକ୍ ହୋଇଯିବ। ଅନ୍ଲକ୍ କରିବା ପାଇଁ ମଧ୍ୟ ସମାନ ପ୍ରଣାଳୀ ଆପଣାଇ ପାରିବେ ।