ଏଣିକି ଟ୍ରେନରେ ମିଳିବ ଲୋକପ୍ରିୟ କମ୍ପାନିର ଖାଦ୍ୟ
ନୂଆଦିଲ୍ଲୀ: ଭାରତୀୟ ରେଳରେ ଏଣିକି ବିଭିନ୍ନ ଲୋକପ୍ରିୟ ବ୍ରାଣ୍ଡର ରେଡି-ଟୁ-ଇଟ୍ ଖାଦ୍ୟ ମିଳିବ । ଏଥିଲାଗି ଖୁବଶୀଘ୍ର ରେଳବାଇ ପକ୍ଷରୁ ଟେଣ୍ଡର ଡକାଯିବ । ରେଳଯାତ୍ରୀଙ୍କୁ ନିରାପଦ ଖାଦ୍ୟ ଯୋଗାଣ ତଥା ରେଳରେ ଥିବା ପାଣ୍ଟ୍ରି କାର୍ ଉପରୁ ଚାପ କମାଇବା ଲକ୍ଷ୍ୟରେ ଏହି ପଦକ୍ଷେପ ନିଆଯାଉଥିବା କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
କେତେକ ଜାତୀୟ ସ୍ତର ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ ରେଳେଓ୍ଵ କାଟରିଂ ଏଣ୍ଡ ଟୁରିଜିମ କର୍ପୋରେସନ (ଆଇଆରସିଟିସି) ରେଳବାଇର କ୍ୟାଟରିଂ ବ୍ୟବସାୟକୁ ଅନ୍ୟ କମ୍ପାନିମାନଙ୍କ ପାଇଁ ଖୋଲିଦେବାକୁ ଯୋଜନା ଚୂଡ଼ାନ୍ତ କରିଛି । ଏଣୁ ଖୁବଶୀଘ୍ର ଆଇଆରସିଟିସି ତରଫରୁ ଏନେଇ ଜାତୀୟ ସ୍ତରର ଟେଣ୍ଡର ଡକାଯିବ । ତେବେ ଗୋଟିଏ କମ୍ପାନି ରେଳବାଇ ପରି ବିଶାଳ ସଂସ୍ଥାର ଚାହିଦା ପୂରଣ କରିପାରିବାର ସମ୍ଭାବନା କମ ଥିବାରୁ ଜୋନ ଅନୁସାରେ କିମ୍ବା ଟ୍ରେନ ଅନୁସାରେ ଏହି ଟେଣ୍ଡର ଡକାଯିବ ।
ଖାଦ୍ୟ ପ୍ରକ୍ରିୟାକରଣ ଶିଳ୍ପରେ ଥିବା ପ୍ରମୁଖ କମ୍ପାନି ଯଥା ନେସଲେ, ଅମୁଲ, ଆଇଟିସି, ବାମ୍ବିନୋ, ବ୍ରିଟାନିଆ, ଡାବର, ହଲଦିରାମ, କୋହିନୂର ଫୁଡ୍ସ ଆଦି ଏହି ଟେଣ୍ଡରରେ ଭାଗନେବାର ସମ୍ଭବନା ରହିଛି ।
ରେଳବାଇ ଗତ ବର୍ଷ ପରୀକ୍ଷାମୂଳକ ଭାବେ କେତୋଟି ନିର୍ଦ୍ଦିଷ୍ଟ ଟ୍ରେନରେ ରେଡି-ଟୁ-ଇଟ୍ ଫୁଡ ବା ପ୍ରାକ୍ ପ୍ରସ୍ତୁତ ଖାଦ୍ୟର ବିତରଣ କରିଥିଲା ।
ସୂଚନାଯୋଗ୍ୟଯେ ଭାରତୀୟ ରେଳ ଦୈନିକ ପ୍ରାୟ ୨୩ ନିୟୁତ ଯାତ୍ରୀ ପରିବହନ କରେ । ଆହୁରି ମଧ୍ୟ ପ୍ରାୟ ୧.୧ ନିୟୁତ ମିଲ୍ ପରିବେଷଣ କରାଯାଏ । ଏହା ମଧ୍ୟରୁ ପ୍ରାୟ ୧ ନିୟୁତ ଯାତ୍ରୀଙ୍କ ସିଟ୍ ପାଖରେ ପ୍ରଦାନ କରାଯାଏ ।