ନୂଆଦିଲ୍ଲୀ: ଓବେରଏ ଗ୍ରୁପ୍‌ ଅଧ୍ୟକ୍ଷ ପୃଥ୍ବୀରାଜ ସିଂହ ଓବରଏଙ୍କ ଦେହାନ୍ତ ହୋଇଛି। ଭାରତୀୟ ଆତିଥେୟତା ଶିଳ୍ପର ରୂପରେଖ ବଦଳାଇବାରେ ପ୍ରମୁଖ ଭୂମିକା ନିର୍ବାହ କରିଥିବା ଶ୍ରୀ ଓବେରଏଙ୍କ ୯୪ ବର୍ଷ ବୟସରେ ପରଲୋକ ହୋଇଛି। ‌ସେ ବିକି ନାମରେ ପରିଚିତ ଥିଲେ। ତାଙ୍କ ପରଲୋକରେ ଶିଳ୍ପ ଜଗତର ବିଶିଷ୍ଟ ବ୍ୟକ୍ତି ଯଥା ମହିନ୍ଦ୍ରା ଆଣ୍ଡ୍ ମହିନ୍ଦ୍ରା ଗ୍ରୁପ୍‌ର ମୁଖ୍ୟ ଆନନ୍ଦ ମହିନ୍ଦ୍ରା, ଆଇଟିସିର ଇଡି ନକୁଲ ଆନନ୍ଦ ପ୍ରମୁଖ ଶୋକ ବ୍ୟକ୍ତ କରିଛନ୍ତି। ଭାରତ, ଆମେରିକା ଓ ସ୍ବିଜରଲ୍ୟାଣ୍ଡ୍‌ରେ ପାଠପଢ଼ିଥିବା ଶ୍ରୀ ଓବେରଏ ୨୦୦୮ରେ ‘ପଦ୍ମବିଭୂଷଣ’ରେ ସମ୍ମାନିତ ହୋଇଥିି‌େଲ। ଓବେରଏ ଗ୍ରୁପ୍ ଅଧୀନରେ ବିଳାସ, ଓବେରଏ ଓ ଟ୍ରାଇଡେଣ୍ଟ୍‌ ଭଳି ତିନିଟି ବ୍ରାଣ୍ଡ୍‌ର ହୋଟେଲ୍‌ ପରିଚାଳିତ ହେଉଛି।