ତେଲଦରକୁ ନେଇ ଅକଳରେ କେନ୍ଦ୍ର ସରକାର
ନୂଆଦିଲ୍ଲୀ : କ୍ରମାଗତଭାବେ ତେଲଦର ବୃଦ୍ଧି କେନ୍ଦ୍ର ସରକାରଙ୍କ ପାଇଁ ଚିନ୍ତାର କାରଣ ହୋଇଛି । ଆଗକୁ ୪ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ବିଧାନସଭା ନିର୍ବାଚନ ଥିବାରୁ ମହଙ୍ଗା ତେଲକୁ ନେଇ ସରକାର ଅକଳରେ ପଡ଼ିଯାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ତେଲଦର ଯଦି ଏପରି ବଢିଚାଲେ, ତେବେ ସରକାର ସେଥିରେ ହସ୍ତକ୍ଷେପ କରିବେ । ବିଧାନସଭା ନିର୍ବାଚନ ପୂର୍ବରୁ ଏ ନେଇ ବିଭିନ୍ନ ରାଜନୈତିକ ଦଳଙ୍କ ମଧ୍ୟରେ ସହମତି ସୃଷ୍ଟି କରିବାକୁ ପଡ଼ିବ ।
ତେଲ ଉପରୁ ଉତ୍ପାଦ ଶୁଳ୍କ ଓ ଭାଟ ହ୍ରାସ ପାଇଁ କେନ୍ଦ୍ର ସରକାର ଏବେ ରାଜ୍ୟ ସରକାରମାନଙ୍କ ସହ ଆଲୋଚନା କରୁଛନ୍ତି । ପେଟ୍ରୋଲ ଓ ଡିଜେଲ ଦର ଲିଟର ପିଛା ଅତିକମରେ ୪-୫ ଟଙ୍କା କମାଇବାକୁ କେନ୍ଦ୍ର ସରକାର ଚାହୁଁଛନ୍ତି ବୋଲି ଗଣମାଧ୍ୟମ ରିପୋର୍ଟରୁ ଜଣାପଡ଼ିଛି ।
ସରକାରଙ୍କ ଆଶା ଥିଲା ଯେ ଏପ୍ରିଲମାସରେ ଓପେକ ଦେଶମାନେ ତୈଳ ଉତ୍ପାଦନ ବୃଦ୍ଧି କରିବାକୁ ନିଷ୍ପତ୍ତି ନେବେ । କିନ୍ତୁ ଗୁରୁବାର ହୋଇଥିବା ଓପେକ ଓ ଅଣ-ଓପେକ ତୈଳ ଉତ୍ପାଦନକାରୀ ରାଷ୍ଟ୍ରମାନଙ୍କ ବୈଠକରେ ଏପ୍ରିଲରେ ମଧ୍ୟ ଉତ୍ପାଦନ କାଟ ଜାରି ରଖିବାକୁ ନିଷ୍ପତ୍ତି ନିଆଯାଇଥିଲା । ଫଳରେ ଅନ୍ତର୍ଜାତୀୟ ବଜାରରେ ଅଶୋଧିତ ତେଲଦର କମିବାର ସମ୍ଭାବନା କମ । ଏଣୁ କେବଳ ଟିକସ ହ୍ରାସ ହିଁ ତେଲଦର କମାଇବାର ଏକ ମାତ୍ର ପନ୍ଥା ରହିଯାଇଛି ।