ବର୍ଷକ ପରେ ପ୍ରଥମ ଥର ପାଇଁ କମିଲା ପେଟ୍ରୋଲ, ଡିଜେଲ ଦର
ନୂଆଦିଲ୍ଲୀ : ପ୍ରାୟ ଏକ ବର୍ଷ ପରେ ଦେଶରେ ପେଟ୍ରୋଲ ଓ ଡିଜେଲ ଦର ହ୍ରାସ ପାଇଛି । ଆଜି ତେଲ କମ୍ପାନିମାନେ ପେଟ୍ରୋଲ ଲିଟର ପିଛା ୧୮ ପଇସା ଓ ଡିଜେଲ ଲିଟର ପିଛା ୧୭ ପଇସା କମାଇଛନ୍ତି । ଶେଷଥର ପାଇଁ ୨୦୨୦ ମାର୍ଚ୍ଚ ୧୬ରେ ଦେଶରେ ତେଲଦର କମିଥିଲା ।
Sambad is now on WhatsApp
Join and get latest news updates delivered to you via WhatsApp
ଏହି ହ୍ରାସ ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ଟ.୯୦.୯୯ ଓ ଡିଜେଲ ଲିଟର ପିଛା ଟ.୮୧.୩୦ରେ ବିକ୍ରି ହେଉଛି । ସେହିପରି ଭୁବନେଶ୍ବରରେ ପେଟ୍ରୋଲ ଲିଟର ପିଛା ରେକର୍ଡ ସ୍ତର ଟ.୯୧.୭୨ରେ ପହଞ୍ଚିଯାଇଛି । ସେହିପରି ଡିଜେଲ ଦର ଟ.୮୮.୬୦ରେ ପହଞ୍ଚିଛି । ତେବେ ଭାଟ ଅନୁସାରେ ରାଜ୍ୟର ଅନ୍ୟ ଜିଲ୍ଲାରେ ଦରରେ ତାରତମ୍ୟ ପରିଲକ୍ଷିତ ହେଉଛି । ଓଡ଼ିଶାର ମାଲକାନଗିରିରେ ପେଟ୍ରୋଲ ଟ.୯୬.୩୭ ଓ ଡିଜେଲ ଟ.୯୩.୧୧ରେ ବିକ୍ରି ହେଉଛି । ସେହିପରି ସମ୍ବଲପୁରରେ ପେଟ୍ରୋଲ ଟ.୯୨.୨୭ ଓ ଡିଜେଲ ଟ. ୮୯.୧୬, ବାଲେଶ୍ବରରେ ପେଟ୍ରୋଲ ଟ.୯୧.୭୩ ଓ ଡିଜେଲ ଟ.୮୮.୬୩ରେ ବିକ୍ରି ହେଉଛି ।
ଆଶ୍ଚର୍ଯ୍ୟର କଥା ହେଉଛି ଗତ ମାସ ୨୭ ତାରିଖରେ ଦେଶର ୪ଟି ରାଜ୍ୟ ଓ ପୁଡୁଚେରୀରେ ନିର୍ବାଚନ ଘୋଷଣା ହେବା ପରେ ଦେଶରେ ତେଲ ଦରବୃଦ୍ଧିରେ ବିରାମ ଲାଗିଥିଲା । ବିଗତ ୨୪ ଦିନ ଧରି ଦେଶରେ ତେଲଦର ଅପରିବର୍ତ୍ତିତ ଥିବା ପରେ ଆଜି ହ୍ରାସ ପାଇବା ଖାଉଟିଙ୍କୁ ଆଶ୍ବସ୍ତ କରିଛି ।