ଓଲା ଇଲେକ୍ଟ୍ରିକ ସ୍କୁଟରର ରେକର୍ଡ ସଂଖ୍ୟକ ବିକ୍ରି, ଦୁଇ ଦିନରେ ବିକ୍ରି ହେଲା ୧୧୦୦ କୋଟି ଟଙ୍କାର ସ୍କୁଟର
ନୂଆଦିଲ୍ଲୀ: ଓଲା ଇଲେକ୍ଟ୍ରିକ୍ ସ୍କୁଟରର ବିକ୍ରୟ ଆରମ୍ଭ ହେବା ଦିନଠାରୁ ଏହା ରେକର୍ଡ ପରେ ରେକର୍ଡ ସୃଷ୍ଟି କରିଆସୁଛି | ପ୍ରଥମ ଦିନରେ ୬୦୦ କୋଟି ଟଙ୍କାର ସ୍କୁଟର ବିକ୍ରୟ ହୋଇଥିବାବେଳେ କମ୍ପାନୀ ଦ୍ୱିତୀୟ ଦିନରେ ୫୦୦ କୋଟି ଟଙ୍କାର ଇଲେକ୍ଟ୍ରିକ୍ ସ୍କୁଟର ବିକ୍ରି କରିଛି | ଏହିପରି, କମ୍ପାନୀ ଦୁଇ ଦିନରେ ୧୧୦୦ କୋଟିରୁ ଅଧିକ ଟଙ୍କାର ସ୍କୁଟର ବିକ୍ରି କରିଛି | ଓଲାର ପ୍ରତିଷ୍ଠାତା ଭବିଷ ଅଗ୍ରୱାଲ ତାଙ୍କ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ବିକ୍ରୟ ସଂଖ୍ୟା ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଲେଖିଛନ୍ତି, ‘ପ୍ରଥମ ଦିନ ଅପେକ୍ଷା ଦ୍ୱିତୀୟ ଦିନ ବିକ୍ରି ଆହୁରି ଭଲ ଥିଲା। ୨ ଦିନରେ ୧୧୦୦ କୋଟି ଟଙ୍କାର ସ୍କୁଟର ବିକ୍ରି ହୋଇଛି | ପୁଣି ଥରେ ନଭେମ୍ବର ୨ରେ ସ୍କୁଟର ବିକ୍ରି ଆରମ୍ଭ ହେବ |ସୂଚନା ଥାଉ କି ଯେ କମ୍ପାନୀ ୧୫ ସେପ୍ଟେମ୍ବରରୁ ସ୍କୁଟରର ଅଫିସିଆଲ୍ ବୁକିଂ ଆରମ୍ଭ କରିଥିଲା, ଯାହା ୧୬ ସେପ୍ଟେମ୍ବର ପର୍ଯ୍ୟନ୍ତ ଚାଲିଥିଲା |
Day 2 of EV era was even better than Day 1! Crossed ₹1100Cr in sales in 2 days! Purchase window will reopen on Nov 1 so reserve now if you haven’t already.
Thank you India for the love & trust. You are the revolution! https://t.co/oeYPc4fv4M pic.twitter.com/fTTmcFgKfR
— Bhavish Aggarwal (@bhash) September 17, 2021
ଭବିଷ ଅଗ୍ରୱାଲଙ୍କ ଅନୁଯାୟୀ କମ୍ପାନୀ ପ୍ରତି ସେକେଣ୍ଡରେ ୪ଟି ସ୍କୁଟର ବିକ୍ରି କରିଛି। ସୂଚନା ଥାଉ କି ଓଲା ଏସ-୧ର ମୂଲ୍ୟ ୯୯,୯୯୯ ଟଙ୍କା ଓ ଏସ-୧ ପ୍ରୋର ମୂଲ୍ୟ ୧.୩୦ ଲକ୍ଷ ଟଙ୍କା ରହିଛି । ଗ୍ରାହକମାନେ ବିକ୍ରୟ ଦିନ ସର୍ବନିମ୍ନ ବୁକିଂ ପରିମାଣ ୨୦,୦୦୦ ଟଙ୍କା ଦେଇ ଅନଲାଇନରେ ସ୍କୁଟର ବୁକ୍ କରିପାରିବେ |