ଏହି ରାଜ୍ୟରେ ସବୁଠାରୁ କମ ମୂଲ୍ୟରେ ମିଳିବ ଓଲା ଇଲେକ୍ଟ୍ରିକ୍ ସ୍କୁଟର, ଅନ୍ୟ ରାଜ୍ୟ ଅପେକ୍ଷା ୨୦ ହଜାର ଟଙ୍କା କମ
ନୂଆଦିଲ୍ଲୀ: ଗତକାଲି ଓଲା ଇଲେକ୍ଟ୍ରିକ ଭାରତୀୟ ବଜାରରେ ନିଜର ବହୁପ୍ରତୀକ୍ଷିତ ଇଲେକ୍ଟ୍ରିକ ସ୍କୁଟର ଏସ-୧ ଓ ଏସ-୧ ପ୍ରୋ ଲଞ୍ଚ୍ କରିଥିଲା । ଏସ-୧ର ମୂଲ୍ୟ ୯୯,୯୯୯ ଟଙ୍କା ଓ ଏସ-୧ ପ୍ରୋର ମୂଲ୍ୟ ୧.୩୦ ଲକ୍ଷ ଟଙ୍କା ରହିଛି । ତେବେ କିଛି ରାଜ୍ୟରେ ଏହାର ମୂଲ୍ୟ କମ ରହିବ | ଗୁଜୁରାଟ, ଦିଲ୍ଲୀ, ମହାରାଷ୍ଟ୍ର ଏବଂ ରାଜସ୍ଥାନ ଛଡା ଅନ୍ୟ ରାଜ୍ୟମାନଙ୍କରେ ଏହି ସ୍କୁଟରର ଏସ-୧ ଭାରିଆଣ୍ଟର ମୂଲ୍ୟ ୯୯,୯୯୯ ଟଙ୍କା ଏବଂ ଏସ-୧ ପ୍ରୋ ଭାରିଆଣ୍ଟର ମୂଲ୍ୟ ୧,୨୯,୯୯୯ ଟଙ୍କା ସ୍ଥିର କରାଯାଇଛି | କିନ୍ତୁ ଏପରି ଏକ ରାଜ୍ୟ ମଧ୍ୟ ଅଛି ଯେଉଁଠାରେ ଆପଣଙ୍କୁ ଏହି ସ୍କୁଟର ପାଇଁ ସର୍ବନିମ୍ନ ଟଙ୍କା ଖର୍ଚ୍ଚ କରିବାକୁ ପଡିବ |
Sambad is now on WhatsApp
Join and get latest news updates delivered to you via WhatsApp
ଏହି ସ୍କୁଟର ମୂଲ୍ୟରେ ରାଜ୍ୟ ସରକାର ଦେଇଥିବା ସବସିଡି ମଧ୍ୟ ଅନ୍ତର୍ଭୁକ୍ତ ହୋଇଛି। ଗୁଜୁରାଟରେ ଏହି ସ୍କୁଟରର ମୂଲ୍ୟ ସର୍ବନିମ୍ନ ରହିଛି | ଗୁଜୁରାଟରେ ଏସ-୧ର ମୂଲ୍ୟ ୭୯,୯୯୯ଟଙ୍କା, ଏସ-୧ ପ୍ରୋର ମୂଲ୍ୟ ୧,୦୯,୯୯୯ ଟଙ୍କା ରହିବ | ଦିଲ୍ଲୀରେ ଏସ-୧ ଓ ଏସ-୧ ପ୍ରୋ ଯଥାକ୍ରମେ ୮୫,୦୯୯ଟଙ୍କା ଓ ୧,୧୦,୪୯୯ ଟଙ୍କା ରହିବ | ମହାରାଷ୍ଟ୍ରରେ ଏସ-୧ ଓ ଏସ-୧ ପ୍ରୋର ମୂଲ୍ୟ ଯଥାକ୍ରମେ ୯୪,୯୯୯ ଟଙ୍କା ଓ ୧,୨୪,୯୯୯ ଟଙ୍କା ରହିବ |
ବର୍ତ୍ତମାନ, ଅନେକ ରାଜ୍ୟ ସରକାର ବୈଦ୍ୟୁତିକ ଯାନ ପାଇଁ ନିଜସ୍ୱ ସବସିଡି ଘୋଷଣା କରିଛନ୍ତି। ସମ୍ପୃକ୍ତ ରାଜ୍ୟଗୁଡ଼ିକର ସବସିଡି ସୁବିଧା ଏବଂ କେନ୍ଦ୍ର ସରକାରଙ୍କ ଦ୍ୱାରା ଦିଆଯାଇଥିବା FAME-II ଯୋଜନା ଲାଗୁ କରିବା ପରେ ଓଲା ଇଲେକ୍ଟ୍ରିକ୍ ସ୍କୁଟରର ମୂଲ୍ୟ ଅଧିକ ସୁଲଭ ହୋଇଛି |