ଓପୋର ନୂଆ ସେଲଫି ଏକ୍ସପର୍ଟ : ଏଫ୍-୭
ନୂଆଦିଲ୍ଲୀ : ଚାଇନିଜ୍ ସ୍ମାର୍ଟଫୋନ୍ ନିର୍ମାତା ଓପୋ ପକ୍ଷରୁ ଏଫ-୭ ଫୋନ୍ର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ମୁଖ୍ୟତଃ ଯୁବବର୍ଗର ଗ୍ରାହକଙ୍କୁ ଦୃଷ୍ଟିରେ ରଖି ଏହି ୪ ଜିବି ରମ୍ ବିଶିଷ୍ଟ ଫୋନ୍ ପ୍ରସ୍ତୁତ କରାଯାଇଛି। ଏହାର ମୂଲ୍ୟ ୨୧୯୯୦/-ଟଙ୍କା ଥିବାବେଳେ ଏହା ୨୦୧୮ ଏପ୍ରିଲ୍ ୯ ତାରିଖଠାରୁ ସମସ୍ତ ଅନ୍ଲାଇନ୍ ଏବଂ ଅଫ୍ଲାଇନ୍ ଷ୍ଟୋରରେ ଉପଲବ୍ଧ ହେବ। ଏହି ବ୍ରାଣ୍ଡ୍ ୟୁରୋପ ଏବଂ ଉତରଆମେରିକା ବଜାରରେ ଚଳିତ ବର୍ଷ କାରବାର ଆରମ୍ଭ କରିବାର ଯୋଜନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଏହା ସୋଲାର ରେଡ୍, ମୁନ୍ଲାଇଟ୍ ସିରଲଭର୍ ଏବଂ ବ୍ଳାକ୍ ଡାଇମଣ୍ଡ୍ ଆଦି ୩ଟି ରଙ୍ଗରେ ଉପଲବ୍ଧ ହେଉଛି। ଏହାର ସନ୍ ରାଇଜ୍ ରେଡ୍ ଓ ଡାଇମଣ୍ଡ୍ ବ୍ଲାକ୍ ମଡେଲ୍ ୬ ଜିବି ରମ୍ ଏବଂ ୧୨୮ ଜିବି ମେମୋରୀରେ ଉପଲବ୍ଧ ହେଉଛି। ଏହାର ଏ.ଆଇ. ବିୟୁଟି ସୁବିଧା ସ୍ୱତନ୍ତ୍ର ଭାବେ ଯୁବବର୍ଗଙ୍କୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି ।
ଓପୋ ଏଫ୍-୭ରେ ୧୬୮ଜିବି ମେମୋରୀ, ୪ଜିବି ଅକ୍ଟାକୋର୍ ପ୍ରୋସେସର୍,କଲର ଓଏସ୍ ୫.୦, ଆଣ୍ଡ୍ରଏଡ୍ ୮.୧, ୨୯୬ରୁ ଅଧିକ ଫେସିଆଲ୍ ରିକୋଗୋନାଇଜେସନ୍ ସ୍ପଟ୍ ଫିଚର୍ ଯାହାକି ପୂର୍ବ ମଡେଲ୍ ତୁଳନାରେ ୨୦ ପ୍ରତିଶତ ବିକଶିତ, ଏ.ଆଇ. ବିୟୁଟ ଫିଚର, ୬୪-ବିଟ୍ ପ୍ରୋସେସର, ୧.୮ ଜିଏଚଜେଡ୍, ୮୦ପ୍ରତିଶତ ଅଧିକ ଦ୍ରୁତ ଓପନିଂ ସ୍ପିଡ୍, ୧୪ଏନଏମ୍ ପ୍ରୋସେସିଂ ଜ୍ଞାନକୌଶଳ, ୨୫ଏମପି ସମ୍ମୁଖ କ୍ୟାମେରା,୬.୨ ଇଞ୍ଚ ଏଫ୍ଏଚ୍ଡି ସ୍କ୍ରିନ୍, ସୁପର ଫୁଲ୍ ସ୍କ୍ରିନ୍ ୨.୦ ସହିତ ୧୯:୯ ଅନୁପାତ ଯୁକ୍ତ ଯାହାକି ପୂର୍ବ ମଡେଲ୍ ତୁଳନାରେ ୮୮ ପ୍ରତିଶତ ଅଧିକ, ମଲ୍ଟି ଟ୍ୟାକ୍ସିଂ ସୁବିଧା ଆଦି ବୈଶିଷ୍ଟ୍ୟ ରହିଛି । ଏହା ଆସନ୍ତା ଏପ୍ରିଲ୍ ୨ ତାରିଖରେ ମାତ୍ର ୨୪ ଘଣ୍ଟା ପାଇଁ କମ୍ପାନୀର ୭୭୭ ଓପୋ ଷ୍ଟୋରରେ ଫ୍ଲାଶ୍ ସେଲ୍ କରାଯିବ ।