ବିଦ୍ୟୁତ ବିତରଣ କମ୍ପାନିମାନଙ୍କ ପାଇଁ ୯୦ ହଜାର କୋଟିର ଋଣ ସହାୟତା
ନୂଆଦିଲ୍ଲୀ : ଲକଡାଉନ ଯୋଗୁଁ ବିଭିନ୍ନ ରାଜ୍ୟର ବିତ୍ୟୁତ ବିତରଣ କମ୍ପାନି (ଡିସକମ) ମାନେ ଗୁରୁତରଭାବେ ପ୍ରଭାବିତ ହୋଇଛନ୍ତି । ବିଭିନ୍ନ ବ୍ୟବସାୟିକ ପ୍ରତିଷ୍ଠାନ, କଳକାରଖାନା ଆଦି ବନ୍ଦ ଥିବାରୁ ଡିସକମ ମାନଙ୍କ ରାଜସ୍ୱ ଉଲ୍ଲେଖନୀୟଭାବେ ହ୍ରାସ ପାଇଛି । ଏହା ଫଳରେ ଡିସକମ ମାନଙ୍କ ନିକଟରେ ବିଦ୍ୟୁତ ଉତ୍ପାଦନ କମ୍ପାନିମାନଙ୍କର ପ୍ରାୟ ୯୪ ହଜାର କୋଟିର ବକେୟା ରହିଛି ।
Sambad is now on WhatsApp
Join and get latest news updates delivered to you via WhatsApp
ଏହାକୁ ଦୃଷ୍ଟିରେ ରଖି ଅର୍ଥମନ୍ତ୍ରୀ ନିର୍ମଳା ସୀତାରମଣ ଡିସକମ ମାନଙ୍କ ପାଇଁ ପ୍ରାୟ ୯୦ ହଜାର କୋଟିର ଋଣ ସହାୟତା ଘୋଷଣା କରିଛନ୍ତି । ଏହି ସ୍କିମ ମଧ୍ୟମରେ ପାଓ୍ୱାର ଫାଇନାନ୍ସ କର୍ପୋରେସନ(ପିଏଫସି) ଓ ଗ୍ରାମୀଣ ବିଦ୍ୟୁତକରଣ ନିଗମ (ଆରଇସି) ମାଧ୍ୟମରେ ଡିସକମଗୁଡ଼ିକରେ ୯୦ ହଜାର କୋଟିର ନଗଦ ଅର୍ଥ ପ୍ରଦାନ କରାଯିବ । ରାଜ୍ୟ ସରକାରମାନଙ୍କ ଗ୍ୟାରେଣ୍ଟିରେ ଏହି ଋଣ ଡିସକମ ମାନଙ୍କୁ ଦିଆଯିବ । ଏହି ଅର୍ଥ ଡିସକମମାନେ ନିଜର ବକେୟା ପରିଶୋଧ କରିପାରିବେ ।
ଅନ୍ୟପକ୍ଷରେ କେନ୍ଦ୍ର ସରକାରଙ୍କ ଅଧିନସ୍ଥ ବିଦ୍ୟୁତ ଉତ୍ପାଦନ କମ୍ପାନି (ଏନଟିପିସି, ଏନଏଚପିସି ଆଦି) ଡିସକମମାନଙ୍କୁ ରିହାତି ପ୍ରଦାନ କରିବେ । ଡିସକମମାନେ ଏହି ରିହାତିର ସୁଫଳ ଉପଭୋକ୍ତାମାନଙ୍କୁ ପ୍ରଦାନ କରିବେ ।
ସେହିପରି ଡିସକମଗୁଡ଼ିକରେ ପରିଚାଳନାଗତ ସଂସ୍କାର ଯଥା ଅପଚୟ ହ୍ରାସ, ଡିଜିଟାଲ ପେମେଣ୍ଟ ବ୍ୟବସ୍ଥା କରିବା ଆଦି ଆଣିବା ପାଇଁ ସହାୟତା କରାଯିବ ।