ପତଞ୍ଜଳି ଲଞ୍ଚକଲା ସିମ୍କାର୍ଡ : ମାଗଣା କଲିଂ ଏବଂ ଡ଼ାଟା ସହ ୨.୫ ଲକ୍ଷର ସ୍ୱାସ୍ଥ୍ୟବୀମା ଓ ୫ଲକ୍ଷ ପର୍ଯ୍ୟନ୍ତ ଜୀବନ ବୀମା
ନୂଆଦିଲ୍ଲୀ : ଭାରତୀୟ ବଜାରରେ ନିତ୍ୟବ୍ୟବହାର୍ଯ୍ୟ ସାମଗ୍ରୀ ବିକ୍ରିରେ ସଫଳତା ହାସଲ କରିବା ପରେ ବାବା ରାମଦେବଙ୍କ କମ୍ପାନି ପତଞ୍ଜଳି ଟେଲିକମ୍ ସେକ୍ଟରରେ ପ୍ରବେଶ କରିବା ପାଇଁ ନିଷ୍ପତ୍ତିି ନେଇଛନ୍ତି । ପତଞ୍ଜଳି ଲଞ୍ଚ କରିଛି ସ୍ୱଦେଶୀ ସିମ୍ କାର୍ଡ । ଏହାକୁ ବିଏସ୍ଏନ୍ଏଲ୍ ସହ ଯୌଥ ଉଦ୍ୟୋଗରେ ଆରମ୍ଭ କରାଯାଇଛି। ଆସନ୍ତୁ ଜାଣିବା କ’ଣ ରହିଛି ଏହି ସିମ୍ର ସୁବିଧା ।
Sambad is now on WhatsApp
Join and get latest news updates delivered to you via WhatsApp
ଏହି ସିମ୍ଟି ବର୍ତ୍ତମାନ କେବଳ ପତଞ୍ଜଳି ଗ୍ରାହକଙ୍କ ପାଇଁ ଆରମ୍ଭ କରାଯାଇଛି। ଏହି ସିମ୍ରେ ୧୪୪ ଟଙ୍କାର ରିଚାର୍ଜ କରିବା ଦ୍ୱାରା ୨ଜିବି ଦୈନିକ ଡ଼ାଟା ସହ ମାଗଣା କଲିଂ ଏବଂ ୧୦୦ଟି ଏସ୍ଏମ୍ଏସ୍ ସୁବିଧା ମିଳିବ ।
ସିମ୍ ଦ୍ୱାରା ପତଞ୍ଜଳି ସାମଗ୍ରୀ କ୍ରୟ କରୁଥିବା ସମୟରେ ଗ୍ରାହକଙ୍କୁ ୧୦ ପ୍ରତିଶତର ରିହାତି ମିଳିବ । ତେବେ ଏହି ସିମ୍ ଦ୍ୱାରା ଗ୍ରାହକ ୨.୫ଲକ୍ଷର ମେଡ଼ିକାଲ୍ ଓ ୫ଲକ୍ଷ ପର୍ଯ୍ୟନ୍ତ ବୀମାର ସୁବିଧା ମଧ୍ୟ ପାଇପାରିବେ ।
ଏହି ସିମ୍କୁ ପାଇବା ପାଇଁ ପତଞ୍ଜଳୀ କର୍ମଚାରୀଙ୍କୁ କେବଳ ତାଙ୍କର ପରିଚୟ ପତ୍ର ପ୍ରଦାନ କରିବା ପାଇଁ ପଡ଼ିବ। କିଛି ଦିନ ମଧ୍ୟରେ ଦେଶରେ ଥିବା ବିଏସ୍ଏନ୍ଏଲ୍ର ୫ଲକ୍ଷ କର୍ଯ୍ୟାଳୟରେ ଏହି ସିମ୍ ଉପଲବ୍ଧ ହେବାର ସୂଚନା ରହିଛି।