ରେକର୍ଡସ୍ତରରେ ପେଟ୍ରୋଲ,ଡିଜେଲ: ହାତ ଟେକିଦେଲେ ତେଲ କମ୍ପାନି.. କହିଲେ ସରକାର ଟିକସ କମାଇଲେ ଦର କମିବ
ଭୁବନେଶ୍ବର : କିଛି ଦିନର ବିରତି ପରେ ଆଜି ପୁଣି ତେଲଦର ବୃଦ୍ଧି ପାଇଛି । ଆଜି ଉଭୟ ପେଟ୍ରୋଲ ଓ ଡିଜେଲ ଦର ୩୫ ପଇସା ଲେଖାଏଁ ବୃଦ୍ଧି ପାଇଛି । ଏହା ଫଳରେ ଦେଶରେ ପେଟ୍ରୋଲ ଓ ଡିଜେଲ ଦର ଏକ ନୂଆ ଉଚ୍ଚତାରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ତେଲ କମ୍ପାନିମାନେ କହିଛନ୍ତି ଯେ, କେବଳ ସରକାର ହିଁ ଟିକସ ହ୍ରାସ କରି ଖାଉଟିଙ୍କ ମୁଣ୍ଡରୁ ବୋଝ ଲାଘବ କରିପାରିବେ । ନୂଆ ବଜେଟରେ କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଉପରୁ ଉତ୍ପାଦ ଶୁଳକ କମାଇଥିବାବେଳେ କୃଷି ଭିତ୍ତିଭୂମି ସେସ ଲଗାଇଥିଲେ । ତେବେ ଏହା ଦ୍ବାରା ତେଲଦର ଅପରିବର୍ତ୍ତିତ ରହିଥିଲା ।
ଆଜିର ବୃଦ୍ଧି ପରେ ଆଜି ଦିଲ୍ଲୀରେ ପେଟ୍ରୋଲ ଦର ଲିଟର ପିଛା ଟ.୮୬.୬୫ ଓ ଡିଜେଲ ଲିଟର ପିଛା ଟ.୭୬.୮୩ ରେ ପହଞ୍ଚିଛି ବୋଲି ଇଣ୍ଡିଆନ ଅଏଲ ପକ୍ଷରୁ ଜାରି ଦର ତାଲିକାରେ କୁହାଯାଇଛି । ଅନ୍ୟପକ୍ଷରେ ଓଡ଼ିଶାର ଭୁବନେଶ୍ୱରରେ ପେଟ୍ରୋଲ ଟ.୮୭. ୩୨ ଓ ଡିଜେଲ ଟ. ୮୩.୭୧ ରେ ବିକ୍ରି ହେଉଛି । ତେବେ ଭାଟ ଅନୁସାରେ ରାଜ୍ୟର ଅନ୍ୟ ଜିଲ୍ଲାରେ ଦରରେ ତାରତମ୍ୟ ପରିଲକ୍ଷିତ ହେଉଛି । ଓଡ଼ିଶାର ମାଲକାନଗିରିରେ ପେଟ୍ରୋଲ ଟ.୯୧.୯୮ ଓ ଡିଜେଲ ଟ.୮୮.୨୧ରେ ବିକ୍ରି ହେଉଛି । ସେହିପରି ସମ୍ବଲପୁରରେ ପେଟ୍ରୋଲ ଟ.୮୭.୮୮ ଓ ଡିଜେଲ ଟ. ୮୪.୨୬ ରେ ବିକ୍ରି ହେଉଛି ।