ଆଗକୁ ପେଟ୍ରୋଲରେ ମିଶାଇବାକୁ ହେବ ଏହି ଜିନିଷ, ନଚେତ ଦେବାକୁ ହେବ ଅଧିକ ଟଙ୍କା
ନୂଆଦିଲ୍ଲୀ: ଆଜି ୨୦୨୨-୨୩ ବର୍ଷ ପାଇଁ ଆର୍ଥିକ ବଜେଟ୍ ଘୋଷଣା କରାଯାଇଛି। ଏହି ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ବଡ଼ ଘୋଷଣା କରିଛନ୍ତି। ଏବେ ତୈଳ ଦର ଉପରମୁହାର୍ ରହିଥିବା ବେଳେ ଆଗକୁ ଏହା ଆହୁରି ମହଙ୍ଗା ହେବ ବୋଲି କହିଛନ୍ତି ନିର୍ମଳା ସୀତାରମଣ। ଯଦି ଲୋକେ ମିଶ୍ରିତ ଇନ୍ଧନର ବ୍ୟବହାର ନକରନ୍ତି, ତେବେ ସେମାନଙ୍କୁ ୨ଟଙ୍କା ଅଧିକ ଦେଇ ନିଜ ଗାଡ଼ିରେ ପେଟ୍ରୋଲ ପକାଇବାକୁ ହେବ ବୋଲି ସେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଶ୍ରିତ ଇନ୍ଧନକୁ ଉତ୍ସାହିତ କରିବା ପାଇଁ ଅକ୍ଟୋବର ୧ରୁ ପେଟ୍ରୋଲ ଲିଟର ପିଛା ଲିଟର ପିଛା ୨ଟଙ୍କା ବୃଦ୍ଧି କରାଯିବ। ଯେଉଁମାନେ ମିଶ୍ରିତ ଇନ୍ଧନ ବ୍ୟବହାର ନକରିବେ ସେମାନଙ୍କୁ ଅଧିକ ୨ଟଙ୍କା ଗଣିବାକୁ ହେବ। ମିଶ୍ରିତ ଇନ୍ଧନର ଅର୍ଥ ହେଉଛି ପେଟ୍ରୋଲ ସହିତ ଇଥାନଲର ମିଶ୍ରଣ। ଇଥାନଲ ହେଉଛି ଏକ ବାୟୋ ଇନ୍ଧନ ଯାହା ଜଳିବା ସମୟରେ ପରିବେଶକୁ କ୍ଷତି ପହଞ୍ଚାଏ ନାହିଁ। ଏହି ଇନ୍ଧନର ବ୍ୟବହାର ବଢ଼ାଇ ପରିବେଶକୁ ସୁରକ୍ଷିତ ରଖିବା ପାଇଁ ଭାରତ ସରକାର ଏବେ ସମସ୍ତ ଉଦ୍ୟମ କରୁଛନ୍ତି। ସେଥିପାଇଁ ଯଦି ଆପଣ ଅକ୍ଟୋବରରୁ ଇଥାନଲ ମିଶ୍ରିତ ପେଟ୍ରୋଲ ବ୍ୟବହାର ନକରନ୍ତି ତେବେ ଆପଣଙ୍କୁ ୨ଟଙ୍କା ଅଧିକ ଦେବାକୁ ହେବ।
ବର୍ତ୍ତମାନ ଦେଶର ବିଭିନ୍ନ ରାଜ୍ୟର ବିଭିନ୍ନ ସହରରେ ପେଟ୍ରୋଲ ସହିତ ଇଥାନଲ ମିଶା ଯାଉଛି । ଇଣ୍ଡିଆନ୍ ଅଏଲ୍, ହିନ୍ଦୁସ୍ତାନ ପେଟ୍ରୋଲିୟମ ଏବଂ ଭାରତ ପେଟ୍ରୋଲିୟମ ଭଳି ରାଷ୍ଟ୍ରାୟତ୍ତ ଇନ୍ଧନ କମ୍ପାନିଗୁଡିକ ଇଥାନଲ ମିଶ୍ରିତ ପେଟ୍ରୋଲ ବିକ୍ରି କରୁଥିବାବେଳେ ପ୍ରାୟ ସମସ୍ତ ଘରୋଇ କମ୍ପାନି ଶୁଦ୍ଧ ପେଟ୍ରୋଲ ବିକ୍ରି କରୁଛନ୍ତି, ଅର୍ଥାତ୍ ଏଥିରେ ଇଥାନଲ ମିଶାଯାଉ ନାହିଁ।