ପୁଣି ବଢିଲା ତେଲଦର : ପେଟ୍ରୋଲ ୨୫ ପଇସା, ଡିଜେଲ ୩୦ ପଇସା ବୃଦ୍ଧି
ନୂଆଦିଲ୍ଲୀ : ଆଜି ତେଲ କମ୍ପାନିମାନେ ପୁଣି ଥରେ ପେଟ୍ରୋଲ ଓ ଡିଜେଲ ଦର ବୃଦ୍ଧି କରିଛନ୍ତି । ପେଟ୍ରୋଲ ଲିଟର ପିଛା ୨୫ ପଇସା ଓ ଡିଜେଲ ୩୦ ପଇସା ବୃଦ୍ଧି ପାଇଛି । ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦର ବ୍ୟାରେଲ ପିଛା ୭୫ ଡଲାର ଟପିବା ଯୋଗୁଁ ଏହି ଦରବୃଦ୍ଧି ହୋଇଥିବା କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଏହି ବୃଦ୍ଧି ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ଟ.୧୦୧.୬୪ ଓ ଡିଜେଲ ଲିଟର ପିଛା ଟ.୮୯.୮୭ରେ ବିକ୍ରି ହେଉଛି । ମୁମ୍ବାଇରେ ପେଟ୍ରୋଲ ଓ ଡିଜେଲ ଯଥାକ୍ରମେ ୧୦୭.୭୧ ଓ ୯୭.୫୨ ଟଙ୍କାକୁ ବୃଦ୍ଧି ପାଇଛି । ସେହିପରି ଭୁବନେଶ୍ବରରେ ପେଟ୍ରୋଲ ଲିଟର ପିଛା ରେକର୍ଡ ସ୍ତର ଟ.୧୦୨.୫୧ ରେ ପହଞ୍ଚିଯାଇଛି । ସେହିପରି ଡିଜେଲ ଦର ଟ.୯୮.୦୦ରେ ପହଞ୍ଚିଛି । ତେବେ ଭାଟ ଅନୁସାରେ ରାଜ୍ୟର ଅନ୍ୟ ଜିଲ୍ଲାରେ ଦରରେ ତାରତମ୍ୟ ପରିଲକ୍ଷିତ ହେଉଛି ।
ଅନ୍ତର୍ଜାତୀୟ ବଜାରରେ ବ୍ରେଣ୍ଟ କ୍ରୁଡ ମୂଲ୍ୟ ଏବେ ବ୍ୟାରେଲ ପିଛା ୭୮.୬୬ ଟଙ୍କାରେ ବିକ୍ରି ହେଉଥିବାବେଳେ ଇଣ୍ଡିଆନ ବାସ୍କେଟ ମୂଲ୍ୟ ୭୭.୬୫ ଡଲାରରେ ପହଞ୍ଚିଛି । ବିଗତ କିଛି ଦିନ ଧରି ଅନ୍ତର୍ଜାତୀୟ ବଜାରରେ ତେଲଦର ବଢିଚାଲିଛି ।