ପଞ୍ଜାବ ସରକାର ବଢ଼ାଇଲେ ଭାଟ୍ , ୯୮ ଟଙ୍କା ୯୫ ପଇସାରେ ପହଞ୍ଚିଲା ପେଟ୍ରୋଲ ମୂଲ୍ୟ

ଚଣ୍ଡୀଗଡ଼: ଆଜି ପଞ୍ଜାବ ସରକାର ଏକ ବଡ ନିଷ୍ପତ୍ତି ନେଇ ପେଟ୍ରୋଲ ଏବଂ ଡିଜେଲ ଉପରେ ଭାଟ୍ ବୃଦ୍ଧି କରିଛନ୍ତି। ଅର୍ଥାତ ବର୍ତ୍ତମାନ ପଞ୍ଜାବର ଲୋକଙ୍କୁ ଏକ ଲିଟର ପେଟ୍ରୋଲ ପାଇଁ ଅଧିକ ଟଙ୍କା ଦେବାକୁ ପଡିବ। ଏଥି ସହିତ ଡିଜେଲର ମୂଲ୍ୟ ମଧ୍ୟ ବୃଦ୍ଧି ପାଇଛି। ବର୍ତ୍ତମାନ ରାଜ୍ୟରେ ଏକ ଲିଟର ପେଟ୍ରୋଲର ମୂଲ୍ୟ ୯୮.୬୫ ଟଙ୍କା ହୋଇଥିବାବେଳେ ଡିଜେଲର ମୂଲ୍ୟ ଲିଟର ପିଛା ୮୮.୯୫ ଟଙ୍କାକୁ ବୃଦ୍ଧି ପାଇଛି। ପଞ୍ଜାବ ସରକାର ଏପରି ନିଷ୍ପତ୍ତି ନେଇଛନ୍ତି ଏଭଳି ଏକ ସମୟରେ ନେଇଛନ୍ତି, ଯେତେବେଳେ ଗତ ବର୍ଷ ଠାରୁ ପେଟ୍ରୋଲ ଏବଂ ଡିଜେଲ ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ। ପେଟ୍ରୋଲ ଏବଂ ଡିଜେଲର ମୂଲ୍ୟ ଏପ୍ରିଲ ୨୦୨୨ଠାରୁ ସ୍ଥିର ରହିଛି | ପେଟ୍ରୋଲ ଭାଟ୍ ହାର ପ୍ରାୟ ୧.୮ ପ୍ରତିଶତ ବୃଦ୍ଧି କରାଯାଇଛି। ଏହି କାରଣରୁ ପେଟ୍ରୋଲ ଲିଟର ପିଛା ୯୨ ପଇସା ମହଙ୍ଗା ହୋଇଛି | ଏଥି ସହିତ ଡିଜେଲ ଭାଟ୍ ହାର ୧.୧୩ ପ୍ରତିଶତ ବୃଦ୍ଧି ପାଇଛି। ଏହାଦ୍ୱାରା ଡିଜେଲ ଲିଟର ପିଛା ୯୦ ପଇସା ବୃଦ୍ଧି ହୋଇଛି | ଏହି ବୃଦ୍ଧି ପରେ ମୋହାଲିରେ ୧ ଲିଟର ପେଟ୍ରୋଲ ମୂଲ୍ୟ ୯୮.୩ ଟଙ୍କା ବଦଳରେ ୯୮.୯୫ ଟଙ୍କା ମୂଲ୍ୟରେ ପେଟ୍ରୋଲ ମିଳିବ | ସେହିପରି ଡିଜେଲ ୮୮.୩୫ ଟଙ୍କା ବଦଳରେ ୮୯.୨୫ ଟଙ୍କାରେ ମିଳିବ | କିଛି ଗଣମାଧ୍ୟମ ରିପୋର୍ଟ ଅନୁଯାୟୀ, କ୍ୟାବିନେଟ ବୈଠକରେ ପେଟ୍ରୋଲ ଏବଂ ଡିଜେଲ ଉପରେ ଭାଟ୍ ଲାଗୁ କରିବାକୁ ଅନୁମୋଦନ ଦିଆଯାଇଛି।

କେଉଁ ସହରରେ କେତେ ରହିଛି ଓ ପେଟ୍ରୋଲ ଓ ଡିଜେଲ ଦାମ |
ନୂଆଦିଲ୍ଲୀରେ ଗୋଟିଏ ଲିଟର ପେଟ୍ରୋଲର ମୂଲ୍ୟ ୯୬.୭୨ ଟଙ୍କା ଥିବାବେଳେ ଡିଜେଲର ଲିଟର ପିଛା ମୂଲ୍ୟ ୮୯.୬୨ ଟଙ୍କା ରହିଛି। ମୁମ୍ବାଇରେ ପେଟ୍ରୋଲର ମୂଲ୍ୟ ୧୦୬.୩୧ ଟଙ୍କା ଏବଂ ଡିଜେଲ ଲିଟର ପିଛା ୯୪.୨୭ ଟଙ୍କା ରହିଛି | କୋଲକାତାରେ ପେଟ୍ରୋଲର ମୂଲ୍ୟ ୧୦୬.୦୩ ଟଙ୍କା ଏବଂ ଡିଜେଲର ଲିଟର ପିଛା ୯୨.୭୬ ଟଙ୍କା ରହିଛି | ଚେନ୍ନାଇରେ ପେଟ୍ରୋଲ ୧୦୨.୭୩ ଟଙ୍କାରେ ମିଳୁଥିବାବେଳେ ଡିଜେଲ ଲିଟର ପିଛା ଦାମ ୯୪.୩୩ ଟଙ୍କାରେ ବିକ୍ରି ହେଉଛି।

ସମ୍ବନ୍ଧିତ ଖବର