ନୂଆଦିଲ୍ଲୀ: ଡିଜିଟାଲ୍ ଇଣ୍ଡିଆରେ ଲୋକମାନେ ବି ଡିଜିଟାଲ୍ ହେବାକୁ ଯାଉଛନ୍ତି। ଅର୍ଥାତ କିଛି ବର୍ଷ ପୂର୍ବେ, ଅନେକ ଲୋକ ଯେଉଁମାନେ ନଗଦ ଅର୍ଥ ସହିତ ଜଡିତ ପ୍ରାୟ ସମସ୍ତ କାର୍ଯ୍ୟ କରୁଥିଲେ, ସେମାନେ ବର୍ତ୍ତମାନ କ୍ରେଡିଟ୍ କିମ୍ବା ଡେବିଟ୍ କାର୍ଡ, ନେଟ୍ ବ୍ୟାଙ୍କିଙ୍ଗ୍, ମୋବାଇଲ୍ ବ୍ୟାଙ୍କିଙ୍ଗ୍ ଏବଂ ୟୁପିଆଇ ଆପ୍ ବ୍ୟବହାର କରୁଛନ୍ତି | ମୁଖ୍ୟତଃ ରାସ୍ତା କଡରେ ଥିବା ଦୋକାନ ହେଉ ବା ବଡ ଶୋ’ରୁମ୍ ଏବଂ ହୋଟେଲ-ମଲ୍ ରେ ୟୁପିଆଇ ମାଧ୍ୟମରେ ନେଣଦେଣ ଏବେ ବଢ଼ିବାରେ ଲାଗିଛି | ତେବେ ଆପଣ ଜାଣନ୍ତି କି ଡିଜିଟାଲ ପେମେଣ୍ଟ ପାଇଁ କେଉଁ ଆପ୍ ଅଧିକ ବ୍ୟବହୃତ ହୁଏ?
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଯେ NPCI ବା ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆର ତଥ୍ୟ ଅନୁଯାୟୀ, ଟ୍ରାଞ୍ଜାକ୍ସନ ମାମଲାରେ ଫୋନ୍ ପେକୁ ସର୍ବାଧିକ ଲୋକ ବ୍ୟବହାର କରୁଛନ୍ତି | ସେପ୍ଟେମ୍ବରରେ, ଏହି ଆପରୁ ପ୍ରାୟ ୧୬୫.୩୨ କୋଟି ଥର କାରବାର କରାଯାଇଛି, ଯାହାର ମୋଟ ମୂଲ୍ୟ ୩,୦୬,୪୩୭.୩୭ କୋଟି ଟଙ୍କା। ଦ୍ଵିତୀୟ ସ୍ଥାନରେ ଗୁଗୁଲ ପେ ରହିଛି | ସେପ୍ଟେମ୍ବରରେ, ଏହି ଆପରୁ ପ୍ରାୟ ୧୨୯.୪୫ କୋଟି ଥର କାରବାର କରାଯାଇଛି, ଯାହାର ମୋଟ ମୂଲ୍ୟ ୨,୫୦,୩୯୩.୬୫ କୋଟି ଟଙ୍କା ରହିଛି | ତୃତୀୟ ନମ୍ବରରେ ପେଟିଏମ୍ ଅଛି, ଯେଉଁଥିରେ ୬୧,୪୧୭.୫୩ କୋଟି ଟଙ୍କା ମୂଲ୍ୟର ମୋଟ ୫୪.୩୫ କୋଟି ଥର କାରବାର ହୋଇଛି |
ଏଥି ସହିତ ସେପ୍ଟେମ୍ବରରେ ଆମାଜନ ପେ ମାଧ୍ୟମରେ ୬.୨୯ କୋଟି ଥର କାରବାର କରାଯାଇଛି, ଯାହାର ମୂଲ୍ୟ ୫,୨୬୭.୭୯ କୋଟି ଟଙ୍କା ରହିଛି | ଏହା ତଳକୁ ଆକ୍ସିସ୍ ବ୍ୟାଙ୍କ ୟୁପିଆଇ, ଭୀମ ୟୁପିଆଇ, ୟେସ ବ୍ୟାଙ୍କ ୟୁପିଆଇ ଓ ଏୟାରଟେଲ ୟୁପିଆଇ ଯଥାକ୍ରମରେ ରହିଛନ୍ତି |