ଷ୍ଟାର୍ଟ-ଅପଗୁଡ଼଼ିକ ପାଇଁ ୧ ହଜାର କୋଟିର ପାଣ୍ଠି ଘୋଷଣା କଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ : ଦେଶର ଷ୍ଟାର୍ଟଅପଗୁଡ଼ିକୁ ପ୍ରାରମ୍ଭିକ ପାଣ୍ଠି ଉପଲବ୍ଧ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ୧ ହଜାର କୋଟିର ଏକ ସିଡ୍ ଫଣ୍ଡ ଘୋଷଣା କରିଛନ୍ତି । ଏହା ସହିତ ଷ୍ଟାର୍ଟଅପ ମାନଙ୍କ ପାଇଁ ଏକ ସ୍ବତନ୍ତ୍ର ଟେଲିଭିଜନ କାର୍ଯ୍ୟକ୍ରମର ଘୋଷଣା କରିଛନ୍ତି । ଏହି କାର୍ଯ୍ୟକ୍ରମର ନାଁ ଷ୍ଟାର୍ଟଅପ ଚାମ୍ପିୟନ ଓ ଏହା ଜାତୀୟ ଟେଲିଭିଜନ ଚ୍ୟାନେଲ ଦୂରଦର୍ଶନରେ ପ୍ରସାରଣ ହେବ । ପ୍ରତି ଏପିସୋଡର ଅବଧି ୧ ଘଣ୍ଟା ରହିବ ଓ ଏହି କାର୍ଯ୍ୟକ୍ରମ ୧୨ ସପ୍ତାହ ପାଇଁ ପ୍ରସାରିତ ହେବ । ଏଥିରେ ଭାରତର ସଫଳ ଉଦ୍ଭାବକ ଓ ଉଦ୍ୟୋଗୀଙ୍କ କଥା କୁହାଯିବ ।
Sambad is now on WhatsApp
Join and get latest news updates delivered to you via WhatsApp
ଷ୍ଟାର୍ଟଅପ ଇଣ୍ଡିଆର ଅନ୍ତର୍ଜାତୀୟ ସମ୍ମିଳନୀ ‘ପ୍ରାରମ୍ଭ’ ରେ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ ଷ୍ଟାର୍ଟଅପଗୁ଼ଡ଼ିକ ଯେପରି ପୁଞ୍ଜିଅଭାବର ସମ୍ମୁଖୀନ ନହୁଅନ୍ତି ତାହା ଉପରେ ଭାରତ ସରକାର ବିଶେଷ ଦୃଷ୍ଟି ଦେଉଛନ୍ତି । ସେଥିପାଇଁ ଭାରତ ସରକାର ୧ ହଜାର କୋଟିର ଏକ ସିଡ୍ ଫଣ୍ଡ ଗଠନ କରିଛନ୍ତି । ଏହି ପାଣ୍ଠିମାଧ୍ୟମରେ ଷ୍ଟାର୍ଟଅପମାନେ ସିଡ୍ ଫଣ୍ଡ (ପ୍ରାରମ୍ଭିକ ପୁଞ୍ଜି) ପାଉଛନ୍ତି । ଆଗାମୀ ଦିନରେ ଷ୍ଟାର୍ଟଅପଗୁଡ଼ିକ ଯେପରି ଋଣ ଉଠାଇପାରିବେ ସେ ଦିଗରେ ସରକାର ଉଦ୍ୟମ କରୁଛନ୍ତି ।