ନୂଆଦିଲ୍ଲୀ : ପଞ୍ଜାବ ନ୍ୟାସନାଲ ବ୍ୟାଙ୍କ ପକ୍ଷରୁ ଗତ ୨୦୧୧ ଠାରୁ ଆଜି ସୁଦ୍ଧା ପ୍ରାୟ ୪୧,୧୭୮ ଟି ଲେଟର ଅଫ ଅଣ୍ଡରଟେକିଂ (ଏଲଓୟୁ) ପ୍ରଦାନ କରାଯାଇଛି । ତା ମଧ୍ୟରୁ କେବଳ ନିରବ ମୋଦି ଓ ତାଙ୍କ ମାମୁଁ ମେହୁଲ ଚୋକସୀଙ୍କ କମ୍ପାନିଗୁଡ଼ିକୁ ୧୫୯୦ ଟି ଏଲଓୟୁ ଦିଆଯାଇଛି । ଏ ସଂପର୍କରେ ଅର୍ଥ ମନ୍ତ୍ରାଳୟ ପକ୍ଷରୁ ଲୋକସଭାରେ ସୂଚନା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଗତ ୧୩ ତାରିଖରେ ରିଜର୍ଭ ବ୍ୟାଙ୍କ ପକ୍ଷରୁ ବ୍ୟାଙ୍କ ମାନଙ୍କ ଦ୍ୱାରା କର୍ପୋରେଟ ଋଣ ପ୍ରଦାନ ବେଳେ ବ୍ୟବହାର ହେଉଥିବା ଲେଟର ଅଫ ଅଣ୍ଡରଟେକିଂ ଓ ଲେଟର ଅଫ କମ୍ଫଟ୍ ବ୍ୟବସ୍ଥାକୁ ଉଚ୍ଛେଦ କରାଯାଇଛି । ଏହି ବ୍ୟବସ୍ଥାରେ ଥିବା ଦୂର୍ବଳତାର ଫାଇଦାନେଇ ନିରବ ମୋଦି ଓ ତାଙ୍କ ମାମୁଁ ମେହୁଲ ଚୋକସୀ ପଂଜାବ ନ୍ୟାସନାଲ ବ୍ୟାଙ୍କରୁ ପ୍ରାୟ ୧୩୬୦୦ କୋଟି ଟଙ୍କା ଠକି ନେଇଯାଇଛି । ଏହି ଠକେଇ ଖବର ଜଣାପଡିବା ପରେ ଏହି ଲେଟର ଅଫ ଅଣ୍ଡରଟେକିଂ ବ୍ୟବସ୍ଥାକୁ ନେଇ ବିବାଦ ଉଠିଥିଲା ଓ ରିଜର୍ଭ ବ୍ୟାଙ୍କ ଆଡକୁ ମଧ୍ୟ ଅଙ୍ଗୁଳି ଉଠିଥିଲା । ଆଗକୁ ଯେପରି ପିଏନପି ପରି ବ୍ୟାଙ୍କ ଠକେଇ ନହେବ ସେଥିପାଇଁ ରିଜର୍ଭ ବ୍ୟାଙ୍କ ଏହି ପଦକ୍ଷେପ ନେଇଛି । ତେବେ ବ୍ୟାଙ୍କ ଗ୍ୟାରେଣ୍ଟି ଓ ଲେଟର ଅଫ କ୍ରେଡିଟ ବ୍ୟବସ୍ଥା ଅବ୍ୟାହତ ରହିବ ।