ଚଳିତ ବର୍ଷ ଦେଶରେ ପ୍ରଚୁର ଆଳୁ ଉତ୍ପାଦନ, ଗତ ବର୍ଷ ତୁଳନାରେ ଦର ୫୦% କମିଲା
ଖାଉଟି ଖୁସ, ଚିନ୍ତାରେ ଚାଷୀ
ନୂଆଦିଲ୍ଲୀ : ଦେଶରେ ଚଳିତ ବର୍ଷ ଆଳୁ ଫସଲ ଭଲ ହୋଇଛି । ଦେଶରେ ପ୍ରଚୁର ଆଳୁ ଉତ୍ପାଦନ ଫଳରେ ଆଳୁ ମୂଲ୍ୟ ଗତବର୍ଷ ତୁଳନାରେ ପ୍ରାୟ ଅଧା କମିଯାଇଛି । ଦର କମିବା ଯୋଗୁଁ ସାଧାରଣ ଖାଉଟି ଶସ୍ତା ଦରରେ ଆଳୁ ପାଉଥିଲେ ମଧ୍ୟ ଚାଷୀ ବିପୁଳ ପରିମାଣରେ କ୍ଷତି ସହୁଛି ।
Sambad is now on WhatsApp
Join and get latest news updates delivered to you via WhatsApp
ସରକାରୀ ତଥ୍ୟରୁ ଜଣାପଡ଼ିଛି ଯେ ମାର୍ଚ୍ଚ ୨୦ରେ ଦେଶର ପ୍ରମୁଖ ଆଳି ଉତ୍ପାଦନକାରୀ ରାଜ୍ୟଗୁଡ଼ିକରେ ଆଳୁଦର ଗତ ବର୍ଷ ତୁଳନାରେ ୫୦ ପ୍ରତିଶତ ହ୍ରାସ ପାଇଛି । ଏପରିକି ଉତ୍ତରପ୍ରଦେଶର ସମ୍ଭଲରେ ହୋଲସେଲ ବଜାରରେ ଆଳୁଦର ଗତ ୩ ବର୍ଷର ହାରାହାରି ଦର କିଲୋଗ୍ରାମ ପିଛା ୬ ଟଙ୍କା ତଳକୁ ଖସିଯାଇଛି । ଗତ ବର୍ଷ ଏହି ସମୟରେ ଆଳୁର ହୋଲସେଲ ମୂଲ୍ୟ ୧୦ ଟଙ୍କା ଉପରେ ଥିଲା ଓ ହୋଲସେଲ ମଣ୍ଡିରେ ତାହା କିଲୋ ପିଛା ୨୩ ଟଙ୍କା ଥିଲା ।
ସେହିପରି ଖୁଚୁରା ବଜାରରେ ମଧ୍ୟ ଆଳୁ ଦର ହ୍ରାସ ପାଇଛି । ମାର୍ଚ୍ଚ ୨୦ରେ ଆଳୁର ହାରାହାରି ଖୁଚୁରା ମୂଲ୍ୟ କିଲୋଗ୍ରାମ ପିଛା ୧୦ ଟଙ୍କାକୁ ଖସିଆସିଛି, ଯାହାକି ବର୍ଷକ ପୂର୍ବେ କିଲୋଗ୍ରାମ ପିଛା ୨୦ ଟଙ୍କା ଉପରେ ଥିଲା । ଦିଲ୍ଲୀରେ ମାର୍ଚ୍ଚ ୨୦ରେ ଆଳୁ କିଲୋଗ୍ରାମ ପିଛା ୧୫ ଟଙ୍କା ଥିବାବେଳେ ଗତ ବର୍ଷ ଏହି ସମୟରେ ତାହା କିଲୋଗ୍ରାମ ପିଛା ୩୦ ଟଙ୍କା ଥିଲା ।