ରାଜନୀତିରେ ପାଦ ଦେବା ନେଇ ପଚରାଯାଇଥିବା ପ୍ରଶ୍ନକୁ ନେଇ ମଜାଦାର ଉତ୍ତର ରଖିଲେ ରଘୁରାମ ରାଜନ: ମୋ ପତ୍ନୀ ମୋତେ ଛାଡ଼ି ଚାଲିଯିବେ
ନୂଆଦିଲ୍ଲୀ : ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ପୂର୍ବତନ ଗଭର୍ଣ୍ଣର ରଘୁରାମ ରାଜନ ରାଜନୀତିରେ ଯୋଗ ଦେବା ନେଇ ପ୍ରଶ୍ନରେ ଯେଉଁ ମଜାଦାର ଉତ୍ତର ରଖିଛନ୍ତି, ତାହାକୁ ନେଇ ଚର୍ଚ୍ଚା ଜୋର ଧରିଛି । ଗୁରୁବାର ଚେନ୍ନାଇର ଏକ ବିଶ୍ୱବଦ୍ୟାଳୟରେ ଡ଼କାଯାଇଥିବା ବୈଠକରେ ଯୋଗ ଦେଇ ସେ ଅନେକ ପ୍ରଶ୍ନର ଉତ୍ତର ରଖିଥିଲେ । ଏବେ ରାଜନୀତିରେ ବିଭିନ୍ନ ପେସାର ଲୋକ ଯୋଗ ଦେଉଥିବା ବେଳେ ତାଙ୍କର ସେଭଳି କିଛି ଯୋଜନା ରହିଛି କି? ବୋଲି ପ୍ରଶ୍ନ କରାଯିବା ପରେ ହସିବାକୁ ଲାଗିଥିଲେ ରଘୁରାମ ରାଜନ । ଏହା ପରେ ଉତ୍ତର ଦେଇ ନାଁ ବୋଲି କହିବା ସହ ରାଜନୀତିରେ ଯୋଗ ଦେଲେ ମୋ ପତ୍ନୀ ମୋତେ ଛାଡ଼ି ଚାଲିଯିବେ । ମୋର ରାଜନୀତିକୁ ନେଇ କୌଣସି ଅଭିଜ୍ଞତା ନାହିଁ । ଯିଏ ଭାଷଣ ଦେଇ ଭୋଟ୍ ମାଗି ପାରିବ, ସେ ରାଜନୀତି କରି ପାରିବ ବୋଲି କହିଥିଲେ ରାଜନ ।
Sambad is now on WhatsApp
Join and get latest news updates delivered to you via WhatsApp
ଭାରତ ଫେରିବା ନେଇ ପ୍ରଶ୍ନ କରାଯିବା ପରେ, ଯଦି ମୋର କୌଣସି କାମରେ ଆବଶ୍ୟକତା ରହିବ, ତେବେ ମୁଁ ନିଶ୍ଚୟ ସାହାଯ୍ୟ କରିବି । ଅନେକ ସମୟରେ ଲୋକେ ମୋଠାରୁ କିଛି ବିଷୟରେ ଉପଦେଶ ଚାହିଁଥାନ୍ତି । ଉପଦେଶ ଦେଇ ମୁଁ ଖୁସି ଅନୁଭବ କରିଥାଏ ବୋଲି କହିଥିଲେ ରାଜନ ।