ସ୍ମାରକୀ ମୁଦ୍ରା ନେବାପାଇଁ ଚାଁହୁଛନ୍ତି କି? ୧୦୦ ଟଙ୍କିଆ କଏନ ପାଇଁ ଖର୍ଚ୍ଚ କରିବାକୁ ପଡିବ ହଜାର ହଜାର ଟଙ୍କା
ନୂଆଦିଲ୍ଲୀ: ମେ ୨୮ ରେ ନୂତନ ସଂସଦ ଭବନ ଉଦଘାଟନ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୭୫ ଟଙ୍କା ମୂଲ୍ୟର ଏକ ସ୍ୱତନ୍ତ୍ର ମୁଦ୍ରା ଉନ୍ମୋଚନ କରିଥିଲେ। ୩୫ ଗ୍ରାମ ଓଜନର ଏହି କଏନ୍କୁ ଚାରି ପ୍ରକାର ଧାତବ ପଦାର୍ଥରେ ତିଆରି କରାଯାଇଛି। ସେଥିରେ ୫୦% ରୁପା, ୪୦% ତମ୍ବା, ୫% ନିକେଲ ଓ ୫% ଦସ୍ତା ରହିଛି । ତେବେ ଏହା ସତ ଯେ ୭୫ ଟଙ୍କିଆ କଏନ ଯଦି ଆପଣ କିଣିବାକୁ ଚାହିଁବେ, ତେବେ ମାତ୍ର ୭୫ ଟଙ୍କା ଦେଇ ଆପଣ ଏହି କଏନ କିଣିପାରିବେ ନାହିଁ | ଅର୍ଥ ମନ୍ତ୍ରଣାଳୟ ଅଧୀନରେ ଥିବା ସରକାରୀ ପ୍ଲାଟଫର୍ମ www.indiagovtmint.in ରେ ଏକ ନିର୍ଦ୍ଦିଷ୍ଟ ମୂଲ୍ୟରେ ଏହି ମୁଦ୍ରା ତାଲିକାଭୁକ୍ତ ହେବ | ଯଦିଓ ନୂତନ ୭୫ ଟଙ୍କିଆ ମୁଦ୍ରା ୱେବସାଇଟରେ ତାଲିକାଭୁକ୍ତ ହୋଇନାହିଁ, ତଥାପି ଏହାକୁ ଶୀଘ୍ର ୱେବସାଇଟରେ ଦେଖିବାକୁ ମିଳିବ ।
Sambad is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ଏଭଳି କିଛି ସ୍ମାରକୀ ମୁଦ୍ରା ବାବଦରେ ସୂଚନା ଦେବୁ ଯାହାକୁ କିଣିବା ପାଇଁ ଆପଣଙ୍କୁ ହଜାର ହଜାର ଟଙ୍କା ଖର୍ଚ୍ଚ କରିବାକୁ ପଡିବ | ସରକାରୀ ୱେବସାଇଟରେ ଉପଲବ୍ଧ ତଥ୍ୟ ଅନୁଯାୟୀ ପ୍ରସିଦ୍ଧ ଭାରତୀୟ ପଦାର୍ଥ ବିଜ୍ଞାନୀ ଡକ୍ଟର ହୋମି ଜାହାଙ୍ଗୀର ଭାବାଙ୍କ ଶତବାର୍ଷିକୀ ଉତ୍ସବରେ ଜାରି କରାଯାଇଥିବା ମୁଦ୍ରାର ଦାମ ସର୍ବାଧିକ ରହିଛି | ଅଫିସିଆଲ ୱେବସାଇଟରେ ୧୦୦ ଟଙ୍କିଆ ମୁଦ୍ରାର ମୂଲ୍ୟ ୧୮ ହଜାର ୫୬୧ ଟଙ୍କା ରହିଛି । ସେହିପରି ଜବାହରଲାଲ ନେହେରୁଙ୍କ ପିତା ମୋତିଲାଲ ନେହେରୁଙ୍କ ୧୫୦ତମ ଜନ୍ମ ବାର୍ଷିକୀକୁ ସ୍ମରଣୀୟ କରିବା ପାଇଁ ଜାରି କରାଯାଇଥିବା ୧୫୦ ଟଙ୍କିଆ ମୁଦ୍ରାର ଦାମ ୧୦,୮୯୦ ଟଙ୍କା ରହିଛି।
ଆପଣ କିଭଳି କିଣିପାରିବେ?
https: // www.indiagovtmint.in / ୱେବସାଇଟକୁ ଯାଇ ଆପଣ ସମସ୍ତ ମୁଦ୍ରାର ମୂଲ୍ୟ ଏବଂ ଅନ୍ୟାନ୍ୟ ବିବରଣୀ ଜାଣିପାରିବେ | ଆପଣଙ୍କ ପସନ୍ଦର ମୁଦ୍ରାକୁ ଆପଣ ନିଜ କାର୍ଟରେ ଯୋଡିବା ପରେ ଚେକଆଉଟ୍ ପ୍ରକ୍ରିୟା ସମାପ୍ତ କରି ଦେୟ ପୈଠ କରନ୍ତୁ | କିଛିଦିନ ମଧ୍ୟରେ ସ୍ମାରକୀ ମୁଦ୍ରା ଆପଣଙ୍କ ପାଖକୁ ଆସିଯିବ |