ରିଜର୍ଭ ବ୍ୟାଙ୍କ ପାଖରେ ଅଛି ୭୬୦ ଟନ ସୁନା, ବର୍ଷକ ମଧ୍ୟରେ କିଣାଯାଇଛି ୨ ଗୁଣ ସୁନା
ନୂଆଦିଲ୍ଲୀ: ଆପଣ ଦେଖୁଥିବା ନୋଟ ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ପ୍ରଚଳିତ କରିଥାଏ, ଏକଥା ତ ଜାଣିଥିବେ | କିନ୍ତୁ ଆପଣ ଜାଣିଛନ୍ତି କି ନୋଟ ଓ ମୁଦ୍ରା ଛଡା ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ପାଖରେ ପ୍ରଚୁର ପରିମାଣର ସୁନା ମଧ୍ୟ ଗଛିତ ଅଛି | ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଗତ ଏକ ବର୍ଷ ମଧ୍ୟରେ ଦେଶର କେନ୍ଦ୍ରୀୟ ବ୍ୟାଙ୍କ ଆରବିଆଇ (ରିଜର୍ଭ ବ୍ୟାଙ୍କ ଅଫ ଇଣ୍ଡିଆ) ସୁନା କ୍ରୟକୁ ଦ୍ୱିଗୁଣିତ କରିଛି | ୨୦୨୧-୨୨ ମସିହାରେ, ଭାରତୀୟ ରିଜର୍ଭ ବ୍ୟାଙ୍କ ୬୫ ଟନ୍ ସୁନା କିଣିଛି | ଏହାକୁ ମିଶାଇ ବର୍ତ୍ତମାନ ଆରବିଆଇର ମୋଟ ସୁନା ଷ୍ଟକ୍ ୭୬୦.୪୨ ଟନକୁ ବୃଦ୍ଧି ପାଇଛି |
Sambad is now on WhatsApp
Join and get latest news updates delivered to you via WhatsApp
ବାସ୍ତବରେ, ଗ୍ଲୋବାଲ୍ ଫାଇନାନ୍ସିଆଲ୍ ମାର୍କେଟରେ ଥିବା ଅସ୍ଥିରତାକୁ ଧ୍ୟାନରେ ରଖି ଆରବିଆଇ ଭଲ ରିଟର୍ଣ୍ଣ ଏବଂ ସୁରକ୍ଷିତ ବିନିଯୋଗ ପାଇଁ ଅନେକ ସୁନା କିଣିଛି | ଆରବିଆଇ ଜୁନ୍ ୨୦୨୦ରୁ ମାର୍ଚ୍ଚ ୨୦୨୧ମଧ୍ୟରେ ଆରବିଆଇ ୩୩.୯ ଟନ୍ ସୁନା କିଣିଛି | କିନ୍ତୁ ୨୦୨୧-୨୨ ମସିହାରେ, ଆରବିଆଇ ପ୍ରାୟ ଦୁଇଗୁଣ ଅର୍ଥାତ୍ ୬୫ ଟନ୍ ସୁନା କିଣିଛି |
ଯଦି ଆମେ ଆରବିଆଇର ସୁନା ହୋଲଡିଂର ମୂଲ୍ୟକୁ ଦେଖିବା ତେବେ ଏହା ୩୦ ପ୍ରତିଶତ ବୃଦ୍ଧି ହୋଇ ୩.୨୨ ଲକ୍ଷ କୋଟିରେ ପହଞ୍ଚିଛି। ମାର୍ଚ୍ଚ ୩୧, ୨୦୨୨ରେ ଶେଷ ହୋଇଥିବା ଆର୍ଥିକ ବର୍ଷରେ ଆରବିଆଇର ୭୬୦.୪୨ ଟନ୍ ସୁନା ଥିଲା | ସେଥିମଧ୍ୟରୁ ୪୫୩.୫୨ ଟନ୍ ବ୍ୟାଙ୍କ ଅଫ୍ ଇଂଲଣ୍ଡ ଏବଂ ବ୍ୟାଙ୍କ ଅଫ୍ ଇଣ୍ଟରନ୍ୟାସନାଲ ସେଟଲେମେଣ୍ଟରେ ରଖାଯାଇଛି | ସେହିପରି ୨୯୫.୮୨ ଟନ୍ ସୁନା ଭାରତରେ ଅଛି |