ନୂଆଦିଲ୍ଲୀ : ରିଜର୍ଭ ବ୍ୟାଙ୍କ ଗଭର୍ଣ୍ଣର ଉର୍ଜିତ ପଟେଲ ଆଜି ଅର୍ଥ ସଂପର୍କିତ ସଂସଦୀୟ କମିଟି ଆଗରେ ହାଜିର ହୋଇ ବ୍ୟାଙ୍କ ବ୍ୟବସ୍ଥାର ବର୍ତ୍ତମାନ ଅବସ୍ଥା ଓ ଏ ସଂପର୍କିତ ବିଭିନ୍ନ ପ୍ରସଙ୍ଗ ଉପରେ ନିଜର ଲିଖିତ ମତ ରଖିଛନ୍ତି । ଏହି ସଂସଦୀୟ କମିଟି ଆଗରେ ସେ ଗତ ୧୨ ତାରିଖରେ ହାଜିର ହେବାର ଥିଲା । ତେବେ ପରେ ଏହାକୁ ଆଜି ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସଂସଦୀୟ କମିଟି ଆଗରେ ହାଜର ହୋଇ ସେ ରାଷ୍ଟ୍ରାୟତ ବ୍ୟାଙ୍କ ଗୁଡ଼ିକର ଏନପିଏ ସ୍ଥିତି, ଗତ ୨୦୧୬, ନଭେମ୍ବର ୮ରେ ହୋଇଥିବା ବିମୁଦ୍ରାୟନର ପ୍ରଭାବ, ରିଜର୍ଭ ବ୍ୟାଙ୍କରେ ସଂସ୍କାର ଆଦି ପ୍ରସଙ୍ଗ ଉପରେ ନିଜର ଲିଖିତ ମତାମତ ରଖିଛନ୍ତି ।
ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏହି କମିଟିର ମୁଖ୍ୟ କଂଗ୍ରେସ ନେତା ବିରାପ୍ପା ମୋଇଲି ଥିବାବେଳେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏଥିରେ ସଦସ୍ୟ ରହିଛନ୍ତି । ଉର୍ଜିତ ପଟେଲ ଏପରି ସମୟରେ ସଂସଦୀୟ କମିଟି ଆଗରେ ହାଜିର ହୋଇଛନ୍ତି ଯେତେବେଳେ କି ବିଭିନ୍ନ ପ୍ରସଙ୍ଗକୁ ନେଇ ସରକାର ଓ ରିଜର୍ଭ ବ୍ୟାଙ୍କ ମଧ୍ୟରେ କେତେକ ବିଷୟକୁ ନେଇ ମତଭେଦ ବାହାରକୁ ଆସିଛି ।