ନୂଆଦିଲ୍ଲୀ: ନୂଆ ବର୍ଷ ଠାରୁ ଏଟିଏମ ବ୍ୟବହାର କରିବା ମହଙ୍ଗା ହେବାକୁ ଯାଉଛି । ଏନେଇ ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ସମସ୍ତ ବ୍ୟାଙ୍କକୁ ଗ୍ରାହକଙ୍କ ଏଟିଏମ କାରବାର ଉପରେ ଅଧିକ ଚାର୍ଜ ଆଦାୟ କରିବାକୁ ଅନୁମତି ଦେଇଛନ୍ତି । ଜାନୁଆରି ୨୦୨୨ ଠାରୁ ଆପଣଙ୍କୁ ବ୍ୟାଙ୍କ ତରଫରୁ ଯେତେଥର ଏଟିଏମରୁ ଟଙ୍କା ଉଠାଣ ପାଇଁ ଫ୍ରି ଅପସନ ଦିଆଯାଇଛି ତା ଠାରୁ ଅଧିକ ଥର ଏଟିଏମ କାରବାର କଲେ ପୂର୍ବ ଅପେକ୍ଷା ଅଧିକ ଚାର୍ଜ ଦେବାକୁ ପଡିବ ।
Sambad is now on WhatsApp
Join and get latest news updates delivered to you via WhatsApp
ରିଜର୍ଭ ବ୍ୟାଙ୍କର ଏକ ବିଜ୍ଞପ୍ତି ମୁତାବକ ଫ୍ରି ଟ୍ରାନଜାକସନ ମାସିକ ଲିମିଟ ପରେ ଆପଣ ଯଦି ଅଧିକ କାରବାର କରୁଛନ୍ତି ତେବେ ପୂର୍ବ ଚାର୍ଜ ତୁଳନାରେ ଆପଣଙ୍କୁ ଅଧିକ ଟଙ୍କା ଦେବାକୁ ହେବ । ଏବେ ପ୍ରତିଟି ଅତିରିକ୍ତ କାରବାର ଉପରେ ଗ୍ରାହକଙ୍କୁ ପ୍ରତି କାରବାର ପିଛା ୨୦ ଟଙ୍କା ଦେବାକୁ ପଡୁଥିବା ବେଳେ ଆସନ୍ତା ବର୍ଷ ଠାରୁ ପ୍ରତି ଅତିରିକ୍ତ କାରବାର ପ୍ରତି ଗ୍ରାହକଙ୍କୁ ୨୧ ଟଙ୍କା ଦେବାକୁ ପଡିବ ।
କହିରଖୁ କି ମାସିକ ୫ ଥର ମାଗଣା କାରବାର ଭିତରେ ଆପଣଙ୍କର ଆର୍ଥିକ ଓ ଅଣ ଆର୍ଥିକ କାରବାର ଜଡିତ ରହିବ । ଅର୍ଥାତ ଆପଣ ଯଦି ବାଲାନ୍ସ ଚେକ କରୁଛନ୍ତି ବା ଷ୍ଟେଟମେଣ୍ଟ ବାହାର କରୁଛନ୍ତି ତେବେ ତାହା ବି ଆପଣଙ୍କ ମାଗଣା କାରବାର ଭିତର ଗଣତି ହେବ ।