ମୁମ୍ବାଇ : ଭାରତୀୟ ରିଜର୍ଭ ବ୍ୟାଙ୍କ ଖୁବଶୀଘ୍ର ଏକ ୨୦ ଟଙ୍କିଆ ନୋଟ ଛାଡିବ । ଗତ ଦୁଇ ବର୍ଷ ମଧ୍ୟରେ ରିଜର୍ଭ ବ୍ୟାଙ୍କ ୫୦୦, ୨୦୦୦, ୧୦,୫୦ , ୧୦୦ ଓ ୨୦୦ ଟଙ୍କିଆ ନୂଆ ନୋଟ ଛାଡିସାରିଛି । କିନ୍ତୁ ନୂଆ ୨୦ ଟଙ୍କିଆ ଆସିନଥିଲା । ଏହି ନୂଆ ନୋଟରେ ଅତିରିକ୍ତ ସୁରକ୍ଷା ବ୍ୟବସ୍ଥା ରହିବ ବୋଲି ରିଜର୍ଭ ବ୍ୟାଙ୍କ ସୁତ୍ରରୁ ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ରିଜର୍ଭ ବ୍ୟାଙ୍କର ଏକ ରିପୋର୍ଟ ଅନୁସାରେ ଗତ ମାର୍ଚ୍ଚ ମାସ ଶେଷସୁଦ୍ଧା ଦେଶରେ ପ୍ରାୟ ୧୦ ବିଲିୟନ (୧ ବିଲିୟନ =୧୦୦ କୋଟି) ୨୦ ଟଙ୍କିଆ ନୋଟ ଅର୍ଥ ବ୍ୟବସ୍ଥାରେ ପ୍ରଚଳିତ ଥିଲା । ତେବେ ନୂଆ ୨୦ ଟଙ୍କିଆ ନୋଟ ଆସିବା ପରେ ପୁରୁଣା ନୋଟ ଗୁଡିକ ମଧ୍ୟ ବୈଧ ରହିବ ଅର୍ଥାତ ପୁରୁଣା ନୋଟ ଗୁଡିକ ବି ଚଳିବ ବୋଲି ଜଣାଯାଇଛି । ଗତ ୨୦୧୬ ନଭେମ୍ବର ୮ରେ ସରକାର ବିମୁଦ୍ରାୟନ ଘୋଷଣା କରିବା ପରେ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ ର ବୈଧତା ରଦ୍ଦ ହୋଇଯାଇଥିଲା । ଏହା ପରେ ରିଜର୍ଭ ବ୍ୟାଙ୍କ ପକ୍ଷରୁ ନୂଆ ୫୦୦ ଓ ୨୦୦୦ ଟଙ୍କିଆ ବଜାରକୁ ଆସିଥିଲା ।