ଆରକମ୍ର ନୂତନ ପ୍ଲାନ୍ : ମାତ୍ର ୩୩ ଟଙ୍କାରେ ୧ଜିବି ୩ଜି/୪ଜି ଡାଟା ପ୍ଲାନ୍ ବାଣିଜ୍ୟ By Sambad Digital On Sep 24, 2017 ସେୟାର ନୂଆଦିଲ୍ଲୀ: ଜିଓ, ଏୟାରଟେଲ୍, ଆଇଡିଆ, ଭୋଡାଫୋନ ଏବଂ ବିଏସଏନଏଲ ଭଳି ଟେଲିକମ୍ କମ୍ପାନିମାନଙ୍କୁ ଟକ୍କର ଦେବାକୁ ଅଣ୍ଟା ଭିଡ଼ିଛି ରିଲାଏନ୍ସ କମ୍ୟୁନିକେସନ (ଆରକମ୍) । ଆରକମ୍ ମାତ୍ର ୩୩ ଟଙ୍କାରେ ଡାଟା ପ୍ଲାନ୍ ପ୍ରିପେଡ ବ୍ୟବହାରକାରୀଙ୍କ ପାଇଁ ଶୁଭାରମ୍ଭ କରିଛି। ଏହି ପ୍ଲାନ ଆଧାରରେ ଏକ ଘଣ୍ଟା ପର୍ଯ୍ୟନ୍ତ ଯେକୌଣସି ନେଟୱାର୍କକୁ ଅନଲିମିଟେଡ୍ କଲିଂ ସହିତ ୧ଜିବି ୩ଜି/୪ଜି ଡାଟା ସୁବିଧା ଦିଆଯାଇଛି । ତେବେ ଏହି ପ୍ଲାନର ବୈଧତା ୨ଦିନ ପର୍ଯ୍ୟନ୍ତ ରହିଛି। Sambad is now on WhatsApp Join and get latest news updates delivered to you via WhatsApp Join Now ଆରକମ୍ ନିକଟରେ ୧୪୭ ଟଙ୍କା ଏବଂ ୧୯୩ ଟଙ୍କାର ଦୁଇଟି ପ୍ଲାନ ଲଞ୍ଚ କରିସାରିଛି । ଏହି ପ୍ଲାନ ଆଧାରରେ ପ୍ରତିଦିନ ୧ଜିବି ଡାଟା ମିଳିବ । ଯାହାର ବୈଧତା ରହିଛି ୨୮ ଦିନ ଏବଂ ଏହି ପ୍ଲାନକୁ ଦେଶର ସମସ୍ତ ଗ୍ରାହକ ଲାଭ ଉଠାଇ ପାରିବେ । ବର୍ତ୍ତମାନ ଏହି ପ୍ଲାନରେ କଲିଂର ସୁବିଧା ଦିଆଯାଇନାହିଁ । ସେହିପରି ୧୯୩ ଟଙ୍କିଆ ପ୍ଲାନରେ ମଧ୍ୟ ୨୮ ଦିନର ପର୍ଯ୍ୟନ୍ତ ପ୍ରତିଦିନ ୧ଜିବି ଡାଟା ମିଳିବ ଏବଂ ଏହି ପ୍ଲାନ ଆଧାରରେ ପ୍ରତିଦିନ ମିଳିବ ୩୦ ମିନିଟ୍ ଭଏସ କଲିଂର ସବୁିଧା ମିଳିବ।