ନୂଆଦିଲ୍ଲୀ : ଲକଡାଉନ ଯୋଗୁଁ ଅଟୋମୋବାଇଲ କମ୍ପାନିମାନଙ୍କ ବିକ୍ରି ଚିନ୍ତାଜନକଭାବେ ହ୍ରାସ ପାଇଛି । ଏପ୍ରିଲ ମାସରେ ଅଧିକାଂଶ କମ୍ପାନି କୌଣସି ଯାନବାହାନ ବିକ୍ରି କରିନଥିଲେ । କିନ୍ତୁ ଏବେ ବଜାର ଧୀରେ ଧୀରେ ସ୍ୱାଭାବିକ ଅବସ୍ଥାକୁ ଫେରୁଥିବାରୁ ଅଟୋମୋବାଇଲ କମ୍ପାନିମାନେ ଗ୍ରାହକଙ୍କୁ ଆକୃଷ୍ଟ କରିବାକୁ ଉଦ୍ୟମ ଆରମ୍ଭ କରିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗ୍ରାହକଙ୍କୁ ଆକୃଷ୍ଟ କରିବାକୁ ବୁଲେଟ ମୋଟର ସାଇକେଲ ନିର୍ମାଣ କରୁଥିବା କମ୍ପାନି ରୟାଲ ଏନଫିଲଡ କମ୍ପାନି ପ୍ରତି ତିନିମାସରେ ଗୋଟିଏ ଲେଖାଏଁ ନୂଆ ବାଇକ ବଜାରକୁ ଛାଡ଼ିବାକୁ ଯୋଜନା କରୁଛି । ଏହି ଯୋଜନାର ପ୍ରଥମ ପର୍ଯ୍ୟାୟରେ ଆସନ୍ତା ଜୁନ ମାସରେ କମ୍ପାନି ପକ୍ଷରୁ ମେଟେର ୩୫୦ ଲଞ୍ଚ୍ କରାଯିବାକୁ ଲକ୍ଷ୍ୟ ରଖାଯାଇଛି । କମ୍ପାନି ପକ୍ଷରୁ ୨୫୦ରୁ ୭୫୦ ସିସି ମୋଟର ସାଇକେଲ ଉପରେ ଫୋକସ କରାଯାଉଛି । ଉଭୟ ଘରୋଇ ଓ ବିଦେଶୀ ବଜାରକୁ ଦୃଷ୍ଟିରେ ରଖି ଏହି ଯୋଜନା ପ୍ରସ୍ତୁତ କରାଯାଇଛି । କମ୍ପାନି ପକ୍ଷରୁ ଗ୍ରାହକଙ୍କ ପାଇଁ କମ ଡାଉନ ପେମେଣ୍ଟ ଓ ଇଏମଆଇ ଅଫର ମଧ୍ୟ ଘୋଷଣା କରାଯାଇଛି । ଦେଶରେ ଚାଲିଥିବା ଲକଡାଉନ ପରିପ୍ରେକ୍ଷୀରେ ଦେଶର ବିଭିନ୍ନ ଅଟୋମୋବାଇଲ କମ୍ପାନିଙ୍କ ପକ୍ଷରୁ କମ ଡାଉନ ପେମେଣ୍ଟ, ଇଏମଆଇ ସ୍ଥଗିତ ସମୟ (ମୋରାଟୋରିୟମ) ସମ୍ପର୍କରେ ଘୋଷଣା କରାଯାଇଛି । ଏସବୁ କମ୍ପାନିଙ୍କ ମଧ୍ୟରେ ରହିଛନ୍ତି ମାରୁତି ସୁଜୁକୀ, ମର୍ସିଡିଜ ଆଦି । ଏହି ତାଲିକାରେ ଏବେ ରୟାଲ ଏନଫିଲଡ ଯୋଡ଼ି ହୋଇଛି ।