ନୂଆଦିଲ୍ଲୀ : ରୟାଲ ଏନଫିଲଡ ମୋଟରସାଇକେଲ ପ୍ରାୟ ୨ ଲକ୍ଷ ୩୭ ହଜାର ମୋଟରସାଇକେଲ ଫେରାଇ ନେବାକୁ ଘୋଷଣା କରିଛି । ଏସବୁ ମୋଟରସାଇକେଲ ଡିସେମ୍ବର ୨୦୨୦ରୁ ଏପ୍ରିଲ ୨୦୨୧ ମଧ୍ୟରେ ବିକ୍ରି ହୋଇଥିଲା । ଏସବୁ ମୋଟରସାଇକେଲରେ ଥିବା କେତେକ ତ୍ରୁଟି ସଜାଡ଼ିବାକୁ କମ୍ପାନି ପକ୍ଷରୁ ଏହି ନିଷ୍ପତ୍ତି ନିଆଯ଼ାଇଛି ।
Sambad is now on WhatsApp
Join and get latest news updates delivered to you via WhatsApp
କମ୍ପାନି ପକ୍ଷରୁ ବୁଧବାରଦିନ ଜାରି ଏକ ପ୍ରେସ ବିଜ୍ଞପ୍ତିରେ କୁହାଯ଼ାଇଛି ଯ଼େ ଡିସେମ୍ବର ୨୦୨୦ରୁ ଏପ୍ରିଲ ୨୦୨୧ ମଧ୍ୟରେ ଭାରତ, ଇଣ୍ଡୋନେସିଆ, ଫିଲିପାଇନ୍ସ, ଥାଇଲାଣ୍ଡ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଓ ମାଲେସିଆରେ ବିକ୍ରି ହୋଇଥିବା କ୍ଲାସିକ, ବୁଲେଟ ଓ ମେଟେର ମଡେଲର ରୟାଲ ଏନଫିଲଡ ମୋଟରସାଇକେଲର ଇଗନିସନ କଏଲରେ କେତେକ ତ୍ରୁଟି ରହିଛି । ଏହି ତ୍ରୁଟି ଇଂଜିନର ପ୍ରଦର୍ଶନ ଉପରେ ପ୍ରଭାବ ପକାଉଛି । କେତେକ କ୍ଷେତ୍ରରେ ଏହା ଇଂଜିନ ମିସଫାୟାରିଂ କରୁଛି, ଗାଡ଼ିର ପ୍ରଦର୍ଶନକୁ ପ୍ରଭାବିତ କରୁଛି କିମ୍ବା ସର୍ଟ ସର୍କିଟ କରୁଛି । ଏହି ତ୍ରୁଟ ସଜାଡ଼ିବାକୁ ଏହି ଘୋଷଣା କରାଯ଼ାଇଛି । କମ୍ପାନି ଫେରସ୍ତ ନେଇଥିବା ମୋଟସାଇକେଲ ଗୁଡ଼ିକର ତ୍ରୁଟିଯ଼ୁକ୍ତ ଅଂଶକୁ ସଜାଡ଼ିବା କିମ୍ବା ବଦଳାଇବା ପରେ ପୁଣି ଗ୍ରାହକଙ୍କୁ ଫେରାଇଦିଆଯ଼ିବ ।