ଭୁବନେଶ୍ବର: ରୟାଲ୍‌ ଏନ୍‌ଫିଲ୍ଡ ପକ୍ଷରୁ ଫୁଲନଖରା ଠାରେ ଥିବା ‘ଖିମ୍‌ଜୀ ରୟାଲ୍‌ ଏନ୍‌ଫିଲ୍ଡ’ ସୋ’ରୁମ୍‌ରେ ବିଏସ୍‌-୬ ମଡେଲ୍‌କୁ ଉନ୍ମୋଚନ କରାଯାଇଛି। ଏହି ଅବସରରେ କଂପାନିର କ୍ଲଷ୍ଟର ମୁଖ୍ୟ-ଓଡ଼ିଶା‌ ସଂଗ୍ରାମ ସାହୁ ଉପସ୍ଥିତ ଥିଲେ। ଏହି ସୋ’ରୁମ୍‌ରେ ୩ଏସ୍‌ ସୁବିଧା ରହିଥିବା ବେଳେ ଏହାର ୩ଟି ଷ୍ଟୁଡିଓ ସେଣ୍ଟର୍‌ ଜଗତସିଂହପୁର, ସାଲେପୁର ଓ ଚୌଦ୍ବାରରେ ରହିଛି। ନିଆଳି ଓ ଚାରିଛକ ଠାରେ ଦୁଇଟି ନୂଆ ଷ୍ଟୁଡିଓ ସେଣ୍ଟର୍‌ ଖୁବ୍‌ଶୀଘ୍ର ଖୋଲିବାକୁ ଯାଉଛି। ନୂଆ ବିଏସ୍‌-୬ ମଡେଲ୍‌ ସିଗ୍ନାଲ୍‌ସ, ଗନ୍‌ ଗ୍ରେ, ଷ୍ଟିଲଥ୍‌ ବ୍ଲାକ୍ ରଙ୍ଗରେ ଆସିଥିବା ବେଳେ ଏଥିରେ ଡୁଆଲ୍‌ ଚ୍ୟାନେଲ୍ ଏବିଏସ୍‌, ଆଲଏ ହ୍ବିଲ୍ ଓ କ୍ଲାସିକ୍ କ୍ରୋମ୍ ରହିଛି। ଏହାର ଏକ୍ସ ସୋ’ରୁମ୍ ଦାମ୍ ୧ ଲକ୍ଷ ୭୦ ହଜାର ଟଙ୍କାରୁ ଆରମ୍ଭ ହୋଇଛି। ଏହି ବାଇକ୍‌ର ବୁକିଙ୍ଗ୍‌ ଓ ଡେଲିଭରି ଜାରି ରହିଛି। ଏଥିପାଇଁ ଆଇଡିଏଫ୍‌ସି, ହିନ୍ଦୁଜା, ଟାଟା କ୍ୟାପିଟାଲ୍, ଚୋଳମଣ୍ଡଳମ୍‌ ଏବଂ ଏଚ୍‌ଡିଏଫ୍‌ସିର ଫାଇନାନ୍ସ ସୁବିଧା ମିଳୁଛି।